超低V開到落肚臍 袁詠儀平胸變巨乳

剛踏入44歲的人妻袁詠儀(靚靚),1990年當選港姐冠軍時上圍只有32.5吋,多年來一直平平無奇的咪咪,昨日忽然平地起驚雷,在一件deep到落肚臍的超低V裙襯托下,靚靚的iPad胸驟然出現鬼影變幻球,化身波濤洶湧的巨乳人妻,辣媽靚靚坦言沒給老公張智霖過目,揚言真材實料的她說:「我有自信,唔係假嘅。」

在1990年奪取港姐冠軍兼最上鏡小姐的袁詠儀,雖然暱稱靚靚足見對自己外貌的自信,不過,當年她參選時,三圍32.5、24、35吋,身材波平如鏡被笑是平胸港姐,靚靚於2001年與張智霖在美國註冊結婚,兩人的兒子張慕童現年八歲,一直以樣子和演技取勝的她,昨日以一襲Balmain超性感深V紅裙,現身圓方出席珠寶店剪綵活動,竟然賣大包真空上陣露波邊,由iPad胸變巨乳人妻,全場譁然。

袁詠儀平板進化紅色暴乳
【1990年出道時】靚靚選港姐時上圍32.5吋,波平如鏡。

袁詠儀平胸變巨乳
【2006年懷孕時】陀着魔童時只肥了,上圍依然沒有增大。

袁詠儀平胸變巨乳
【2009年排骨時】以吊帶低胸裙拍廣告,胸前一節節排骨十分突出。

袁詠儀平胸變巨乳
【昨日起哄時】靚靚昨日着deep到落肚臍的超低胸裙剪綵,iPad胸港姐忽變巨乳人妻。

靚靚身上的深V短裙開到落肚臍,搶盡同場負責展示珠寶的青春少艾鍾浠文和姜美兒風頭,當靚靚出場時,全場大嘩一聲,靚靚有少少尷尬地笑,但表現自信,剪綵和祝酒時都小心翼翼,掩住心口驚走光。她表示服裝由形象師負責:「之前有睇過試過,我成日問打底方面要點,我哋咁舊派,可唔可以自己戴胸圍,問十個九個話唔應該。」是否真空上陣?她坦言:「梗係,呢次係我極限,形象話可試唔同形象,有新鮮感多啲人搵可出席唔同活動。」

問是否怕老公詐型?靚靚說:「呢件真係冇畀佢睇過,都唔知點講,唔覺得佢會安慰我先,一係讚我一係打擊我,唔想未着收到任何唔公平對待。其實佢支持我性感,反而自己擔心點打底,之前仲問專家周汶錡小姐,佢仲贊助埋我雙面膠紙同乳貼,佢都覺得好神奇,一個女人屋企點解冇缽仔糕,算啦,僭建都唔係我style,夾硬逼條線唔係我個樣,最緊要自然同做自己,周汶錡連黐邊度都話埋畀我聽,老公覺得唔過份,我個樣健康都OK。」

袁詠儀平胸變巨乳
由港姐變人妻和人母,現在的靚靚幸福滿瀉。資料圖片

袁詠儀平胸變巨乳
袁詠儀平胸變巨乳
靚靚昨日戴上大會贊助的60卡鑽飾,笑言:「唔通百貨公司剪綵着到咁咩!」

問現在是否很有自信?靚靚笑笑說:「我有自信,唔係假嘅。」有否托或做手腳?她堅稱:「冇呀,我都唔識托,我有少少新人嘅感覺,好緊張唔想穿崩,唔係特登攞出嚟嚇人,因為我覺得揀衫要睇多啲珠寶,唔通揀樽領衫。」性感出席是否酬勞豐厚?她坦言:「舒服價錢,都好,未試過,適當場合先着。」會否叫老公買珠寶?她說:「梗係會,唔會避忌,但佢唔會成日買,佢話搵錢辛苦,叫我唔好鑿佢,已經少鑿咗。」問月初生日老公有否送珠寶?她說:「呢啲通常年頭收晒,見到想買已收定情人節、生日禮物,又永恒啦。」

Chilam再露完美朱古力肌

袁詠儀由32.5的iPad胸變巨乳人妻,老公張智霖(Chilam)日前也在微博晒露肌舊相,胸肌和六嚿朱古力腹肌體態完美,寫道:「聽說明年1月在廣州做演唱會,能不能要不要變回這個樣子呢?」網友抵死留言:「想溺死在你的胸肌裏!」「這樣很好啊,靚靚姐有福氣!」

張智霖

昨日緊隨老公晒波邊的靚靚,本月4日是她的44歲牛一,在娛樂圈相識滿天下的她,日前孖老公和囝囝魔童跟好友伍詠薇、蔡一智夫婦、周汶錡、沈嘉偉等齊齊慶祝,靚靚將大合照貼微博並留言:「與良朋共聚是最快樂的事,也謝謝粉絲們的祝福,生日很快樂!」

告別峽谷:鄭中基教你托胸

袁詠儀昨日施展的鬼影變幻,令人嘖嘖稱奇,2008年鄭中基主演的電影《內衣少女》,就曾親身示範將A cup平板胸,擠成C cup驕人身材。材料有強力膠布、半形及全形Nu Bra各一對、比自己大一碼的胸圍及一件彈性背心。

鄭中基教你托胸

鄭中基教你托胸

做法是先將半形Nu Bra貼在胸部下方,以強力膠紙穩定(上圖),之後穿好比自己大一碼的胸圍,再將全形Nu Bra放入胸圍內,最後穿上彈性背心,完美的大深溝就完成(下圖)。

评论已关闭