陈展鹏惊青留言:我微博有人head咗!

当大家要写英文而又唔肯定有冇串错嘅时候,你会点做?问人?查字典?又或者根本唔知道自己串错英文。

㖊晚11点几,陈展鹏喺微博留咗一句:“我微博有人head左(咗).我要先关闭”,佢啲粉丝最初只系关心展鹏系咪被人盗号,后来先有人发现串错字,仲留言畀展鹏:“哈哈,系‘hack’咗啊男神,你好可爱。”、“不管怎样都相信你。你是个成熟男人,我们都懂的道理你怎会不懂,我绝对不会乱揣测。另外,有人能告诉我head是什(甚)么意思吗?”、“Where you heading to?You’ve been hacked right.”。

查实陈展鹏嘅搞笑嘢,当然唔止串错字,好似佢之前同吴卓羲主演嘅TVB剧《叛逃》,两派fans已经为咗边个戏份较多而拗到火红火绿,点知陈展鹏仲傻到like一个微博po︰“吴卓羲真是演什么我讨厌什么。”唉,俾高登仔发现咗。

又其实连诗雅将“Rest In Peace”写成“Rest In Piece”,点知被网民耻笑叫佢下次打中文,仲叫佢做“连piece雅”,“火罗”爆嘅连诗雅直认畀人笑咗几日。

邓丽欣(Stephy)曾经接受英文传媒访问,当时佢用英文爆咗一句:“ I am very thanks them.”, 正确应为“ I am very grateful for their support.”;至于“大文豪”周柏豪亦都试过将品牌名写错为“Juice Couture”。所以……大家都系小心,小心,再小心啲。

陈展鹏惊青留言:我微博有人head咗!
一时手快?个E同A喺Keyboard上面分开好远㖞。

评论回复