JJ贾晓晨爱到抑郁 多次自杀 自爆樊少皇一夜情生B

贾晓晨(JJ)上周被爆与拍拖3年的“力王”男友樊少皇在10月2日入纸排期注册结婚,两人经历过无数次分手,又复合,终于修成正果。

JJ昨日在香港一间婚纱店接受专访,深情剖白自己同“力王”一段情,自爆樊少皇与前女友陈少霞因一夜情而生小朋友,对外间指指点点,JJ仍处处维护:“其实都系佢细个爸爸教育方式唔好,其他小朋友玩,佢就只可以打功夫,结果廿几岁都未谈过恋受。啱啱发育,仲咁大只,男仔梗系需要,唔畀佢拍拖咪做错囉。”

结果樊少皇因为一夜情搞大了陈少霞个肚,女儿已经18岁大,JJ:“佢哋虽然冇感情基础,但之后都有住埋一齐,唔小心又生咗第二个(细仔13岁),其实佢份人好单纯,好有责任感,从来冇叫人落咗小朋友。”杭州助手是不是女友?JJ再替樊少皇解话:“分手后佢都系一个男人,都有感情需要,你问我佢有冇做错?我会觉得大家都系成年人,要错就双方都有错,只系中间处理得唔好。”

JJ贾晓晨爱到抑郁 多次自杀 自爆樊少皇一夜情生B

JJ与樊少皇拍拖期间,经常被人指骂是小三,又被传逼使陈少霞断水断粮,因为太多是是非非,JJ自爆屈到患抑郁症,她说:“佢乜都唔同我讲,每次都系杂志出咗先讲。我哋嗌过无数次分手,但本身感情冇问题,后来经历太多嘢,我有尝试过自杀……好多次,试过食药,最严重一次系喺朋友圈写住‘再见嘞大家,帮我照顾我爸爸妈妈’,吓到班朋友冲晒埋嚟救我,当时我谂住跳楼。”

年半前JJ开始寻求精神科医生协助,现在情况已经好转,JJ笑笑口说:“食咗一年精神科药,我发现好好,食完遇到乜唔开心,笑吓就过咗去。?家停咗药半年,调理好身体准备生BB,再遇唔开心,就谂番食咗药嘅感觉,等自己唔好钻牛角尖。”

JJ已决定下嫁樊少皇,但樊少皇还要给予陈少霞赡养费,经济有一定压力,所以JJ从来没想过可以“印印脚”做少奶奶,相反还付首期让樊少皇置业。JJ解释:“我识佢时,佢系一个冇车、冇楼,乜都冇嘅男人,佢以前系会将所有赚到嘅钱畀晒别人,我就话佢老咗都要有个地方住,唔通瞓天桥底?佢先开始谂储钱买楼𠮶样嘢。之前睇中一层楼,但佢畀唔到首期,我就将自己第一层楼,因为赚到钱卖咗,畀佢用嚟做首期。但我唔系白畀㗎,我都要佢赚钱还畀我,我唔使佢养都唔可以蚀底畀佢,做埋佢债主,哈哈。”

34岁的JJ在香港和家乡济南均有物业,问会否介意女尊男卑?JJ说:“我暂时好似多过佢,但佢(潜力)空间大过我,佢喺内地知名度高过我好多,如果佢将来识得正确打理自己财产,应该会越嚟越好。”问到会否摆酒?JJ说:“冇谂过,因为我怕好攰同应酬,只想低调结婚。”

JJ大爆樊少皇近乎“零”的求婚经过,不过,虽然是零,但在JJ眼里依然是甜在心的经历,她甜丝丝地表示:“其实我哋嘅感情一向好稳定,我同佢都想有小朋友,所以喺半年前大家咁啱坐底倾开,发现大家都想有BB,就决定结婚,始终注册可以有一个完整家庭畀小朋友,所以就决定咗,冇特别求婚,所以冇戒指亦冇下跪,婚纱相都喺某一日,大家都有时间就返嚟香港,揾一个摄影师朋友帮我哋影。(樊少皇有什么优点令妳决定付托终生?)我哋好夹,大家都系好简单嘅人,虽然佢唔识得讲甜言蜜语,但心地善良、单纯,希望佢日日都开心!”

谈到工作,JJ直言婚后决不减产,就算大肚都会继续工作:“我要搏命揾钱供楼同生活,就算大肚都继续做,一个女仔最紧要识独立,自己揾钱自己使,我从来都唔喜欢伸手问人攞。”JJ与樊少皇拍拖简单,两人都浪漫史亦一样简单,JJ表示对方曾为她按摩按到她睡着了,她觉得这就是一种说不出的幸福:“佢拍打戏都好辛苦,但佢永远都以我行先,攰都会帮我按摩,我觉得好感动!”

评论已关闭