前TVB绿叶王梁健平主演短片 多伦多国际电影节得奖

绿叶王梁健平再唔系绿叶王,佢之前冲出香港,获邀请参与韩剧《命中注定我爱你》演出,虽然系客串演出,但呢场戏系佢同韩星张赫嘅对手戏,到唔少网民都大赞。

最近,梁健平进军电影圈,兼且做埋主角添!佢接拍一部英国导演执导,喺澳门取景嘅短篇电影《三轮车伕》。喺戏中,梁健平饰演三轮车伕,意外地喺黑帮手中得到一个手提袋,佢原本以为系钱,但点知竟然系影响佢一生嘅嘢。

呢部《三》片荣获2014多伦多国际电影节最佳短篇电影,梁健平今日喺电话中表示:“今朝知道呢个消息好开心,拍呢部电影对我嚟讲好有得着,喺拍摄过程中,感受到外国团队嘅认真,虽然呢部戏只系短短15分钟,但我经常要香港澳门两边走,目的只系为排戏,导演要求我用唔同演绎方法去入戏,系我从影以来未试过,以前喺电视台拍嘢,一系叫你排两次,一系埋位就拍;加上今次只有我系正职演员,其他都系业余演员。”据知《三》片更将会参加康城影展。

前无线绿叶王 下一站康城影展 梁健平主演短片 多伦多国际电影节得奖

评论回复