马赛复工强忍泪水 抛佛偈赠旧爱汪子琦

受到艳舞片流出影响嘅马赛,虽然俾TVB暂停所有工作,但今日一个时装骚,因为系件事发生前接落,所以佢仍然有出席。

今日下午5点半,马赛孖实姚子羚行Catwalk,既打头阵亦有压轴演出,颇受重视,不过佢似乎受到艳舞片流出困扰,个样都几紧张,表现有啲生硬,不过都有保持笑容。而佢块面就有少少肿,又似唔太上妆,右边面仲生咗粒疮,而今日行骚嘅装饰就唔性感,但都骚下佢一双腿。

行骚之后佢就同大会老板合照同祝酒,之后喺经理人陪同之下做访问,因为现在有近百传媒,所以场面一度混乱。

马赛复工

避走内地强忍泪水 马赛一提经济状况喊爆

马赛今日在流出艳舞片之后首次开工,佢喺经理人陪同底下接受访问,问佢心情如何,紧唔紧张,佢第一个反应就系双手合什话:“对唔住,搞到你哋咁辛苦,多谢你哋关心,见到你哋大家咁辛苦,多谢经理人同Elaine(姚子羚)喺后台好鼓励我,呢个工作一早接咗,有责任出席,系尊业态度。”有冇谂过唔出席?佢话:“呢个系艺人操守,提醒自己努力做好,感谢公司同客户无因事取消,感恩畀机会我。”

问马赛依家外面有冇工作?佢话暂时冇,讲到乐易玲话佢返咗内地同家人住,佢承认话:“发生好多事,想尽量返屋企陪佢哋,一家人相处好啲。件事令家人好担心,想陪多啲佢哋,好SORRY件事影响好多人,好似公司同事,家人,朋友,以及好尊重嘅前辈,真系好对唔住。”

问到佢口中前辈系咪刘松仁?又有冇send过短信比佢?马赛话:“连累好多人,唔止松哥,好多尊重嘅前辈俾我私事影响。”咁究竟有冇发过挑逗短信?佢就唔回应话:“陈词证供讲得好清楚,自己冇拥有条片,亦无SEND过俾任何人,依家香港警方重案组,自己律师团队,香港个人资料私隐专员公署都调查紧件事,香港系法治社会,相信公义法律保护到每个公民。”

访问期间,马赛一直都强忍泪水,一问到佢依家冇工开,经济状况系点,佢就流眼泪话:“呢一年我有大半年都系靠屋企,好感激佢哋,我唔可做任何嘢,令爱锡我人担心。”至于被汪子琦指马赛母女贪钱,要求6百万同楼,马赛就冇回应。问佢法庭落咗禁制令系咪冇咁惊?佢话:“感谢律师团队不眠不休做呢件事,好彩香港系法治社会。”

>避走内地强忍泪水 马赛一提经济状况喊爆

抛佛偈赠旧爱:万法皆空,因果不空

问到佢系咪最介意私人性事被公开同最Hurt?佢话:“我自己根本唔敢睇啲访问,叫人唔好俾我睇,人哋要讲乜做乜我控制唔到,如果一段错误嘅感情,有一个咁灾难性、毁灭性结果,我系成年人,自己要承担,最Sorry系影响人为我担心。”

讲到之前富婆Laura指马赛一早知佢同汪子琦已经结婚,但仍然叉只脚入去做小三,马赛就避谈:“我自己唔敢睇呢啲新闻,无回应,因为控制唔到。”

有冇恨佢哋讲咁多伤害嘅说话?马赛此时就眼湿湿话:“呢一年发生好多嘢,我都想以我例子同所有女仔讲,一定要识保护自己,自己得到好大教瞓,交朋友要慎重,喺重大选择时要听家人、长辈嘅说话,唔可以自以为事同任性。”

咁有冇后悔识咗佢哋?马赛话:“我信咗佛,半年前信,相信好多嘢认命,惟一做好自己系面对,今日好紧张,面对大家。”问佢系咪发生咗事信佛?佢话:“今年2月机缘巧合之下信。”

汪子琦指系马赛自己主动跳艳舞,马赛话:“冇回应,我信佛,佛教有句说话‘万法皆空,因果不空’,好多嘢唔一定要追求,寻求结果同答案,因果会俾到答案,信佛系一个得着。”

家人出钱助打官司

问到自杀传言,马赛今日话:“呢段时间好难行,好难挨,最难𠮶个星期自己乜都冇去睇,冇去想,好彩好多朋友,亲戚,同事俾好多鼓励同支持,无论发生咩事都唔可以伤害自己,系为咗佢哋(亲友)同家人。”
咁有冇睇精神科医生?马赛话:“由今年一月开始睇医生,之前有抑郁,好难挨过去。”咁有冇加重食药?佢话:“有食帮助平复心情嘅药。”咁依家系咪仲系抑郁?马赛表示:“我有好多时都会,但无研究过病征,医生有药物帮助,我信佛,有朋友支持。”

问到佢打官司嘅律师费系咪自已俾,佢主动话:“唔关无线事,屋企人帮我俾。”咁依家系咪暂停所有工作?佢话:“系,等公司安排,未知休几耐,打算利用呢段时间读啲COURSE增值自己。”咁有冇联络汪子碉同Laura?,佢话已经冇联络。

问佢以后交朋友系咪有戒心?马赛语重心长咁话:“交朋友要谨重,要听人劝,以前好反叛,任性同自以为事。”家人反对过?佢话:“感谢一班人好锡我,自己任性要自己承胆返。”说罢就拧转面抹眼泪,整个访问长达13分钟。

之后马赛离开时行后门,冇自己揸车,坐七人租车离开,七点半返到清水湾半岛寓所。

评论回复