坐頭排奉旨追韓星 陳詩欣出水芙蓉 火紅登場

陳詩欣 (Eunice)與陳睿雯早前到韓國拍攝無綫旅遊節目《3日2夜》,繼早前播出的一集掟蕃茄、食蠶蟲外,即將播映的一集亦睇頭十足,女神Eunice將會獻出第一次,穿上泳衣大玩水山樂園。

今次於節目中「處女」泳衣登場,以大露背紅色泳衣示人,Eunice表示︰「今次係第一次著泳衣拍攝,最性感係呢次,以往都係著背心短褲上陣。」由於要玩水上樂園的滑梯,Eunice直言事前做到足防走光措施,又話拍攝時非常緊張︰「首次著泳衣出境當然有啲緊張啦,因為要玩水上樂園,所以每拍完一個鏡頭,都走去問導演,好謹慎去檢查,睇下有冇走光。」

雖然今次韓國之旅不乏美食,不過Eunice為保水著效果坦言不敢食得太多︰「今次韓國拍攝雖然去蕃茄節,又有韓牛節,但我唔敢食太多,因為要著泳衣嘛。」她更謂︰「由於所選泳衣係大露背,其實揀完呢套泳衣後,我都不斷去做磨沙,等背脊可以再滑啲。」

此外,她笑言今次在水上樂園嘈到拆天︰「今次去了平昌一個水上樂園,玩我最驚的滑梯,雖然個池水唔深,但我都是玩到𠵱嘩鬼叫,面容扭曲。」問到穿泳衣後可有遇到當地型男?Eunice直言︰「雖然喺街上見唔到韓國型男,但今次拍攝其中一個節目係去睇K-POP,坐第一排睇韓星,所以都算係有見到靚仔,好開心可以咁近距離睇韓星表演。」

評論已關閉