《蝕日風暴》9.22「黃Viu煲劇平台」首播

由港、台兩大型男張智霖及王陽明合作,薛凱琪與梁靖琪等主演,金牌監製梁家樹及其班底製作,耗資超過1.8億港元,穿梭香港、布達佩斯、馬來西亞等地拍攝的警匪網劇《蝕日風暴》,即將於9月22日晚上8時正在「黃Viu煲劇平台」香港獨家首播,勢掀起一股煲劇熱潮!

《蝕日風暴》不但雲集多位好戲之人,還是薛凱琪繼電視劇《學警雄心》後,相隔13年再拍港劇,更由學警「升職」、飾演重案組高級督察,她表示︰「好親切,第一次演戲就喺《學警雄心》扮演學警,多年之後再做番位正義嘅警察。女警好有型,對我嚟講係一件好superhero嘅事,雖然時間天氣等因素,仲有劇本內容令到體力有啲透支,但係都好開心嘅!」

薛凱琪於劇中為追捕罪犯打戲連場,她坦言這算是現代片打得最多的一次,毫不錫身的她坦言拍攝頭兩天已打到手指受傷︰「頭一兩日已經因為打而屈到手指,指骨有啲移位,之後睇咗一段時間骨醫,西式、消炎、刮痧都有做,但係無乜嘢,我唔係好怕呢啲傷。」

梁靖琪借藥油療傷

事實上,其中一幕講到薛凱琪與梁靖琪在警局內對打,兩女毫不錫身拳拳到肉,難怪梁靖琪稱拍畢該場戲後,要借藥油給對方「療傷」,梁靖琪則自言拍攝《蝕日風暴》前做足準備工夫︰「之前拍的作品都是打戲,所以一直也有練開,不過為了這套劇,也特訓了一段時間。」

薛凱琪則笑言劇中的跑戲比打戲還要多,直言為追捕張智霖由香港跑到馬來西亞再跑到布達佩斯,她表示︰「戲中同Chilam有感情線,當中有啲誤會,所以我變得好憎佢,更加追捕佢到天涯海角,喺香港、馬來西亞同布達佩斯不停穿梭,仲要全程用腳去追。」薛凱琪笑言拍《蝕日風暴》讓她變了職業跑手︰「明明車快啲,但無安排車追, 不過跑可能現場效果會好啲,所以追逐戲比打戲攰好多, 其實戲內我係一個跑手。」

至於梁靖琪就自爆於娃娃兵村拍攝期間發生的瘀事︰「娃娃兵村係沒有廁所,劇組就租出流動廁所畀我用,記得當日落大雨,我去廁所時唔小心跣低。」梁靖琪笑言幸沒有掉進馬桶內,否則變做「周身屎」,她笑說︰「我係跣低落啲泥度,沒有掉進馬桶,好彩司機哥哥,化妝師都衝出來救我﹐真係好感動。」

評論已關閉