王君馨晒舞技失控 黃日華驚青走避

07年港姐亞軍王君馨(Grace)，因《舞動奇跡》成舞后而為觀眾所認識，不過，呢位鬼妹仔可能跳上癮，連拍劇等埋位都周身郁無時停。日前下午，王君馨同胡定欣及黃日華齊為新劇《刑警》在西貢拍外景，劇情好簡單，只需三人邊傾偈再邊上小巴，可能因為太簡單或者現場氣氛令Grace的跳舞癮發作，等埋位時不停將Pat Pat大力搖擺，嚇得在旁的黃日華先O嘴後走避，所謂安全至上走為上着。採訪：陳辰

由於王君馨的中文程度有限，加上又無演戲經驗，為了幫助劇中下屬，唔使開工的黃日華都會特別返電視城教Grace做戲，令她開心到飛起咁話：「佢將對白寫喺紙上，邊句要講慢啲，邊句要用感情講，都Mark晒符號！我好感激前輩咁教我！」

王君馨舞走黃日華

因為有前輩悉心教導，所以王君馨異常開心，同恩師黃日華開工更顯出其興奮態度。日前下午，Grace跟同樣跳得的胡定欣在西貢拍外景，兩位同道中人在等埋位期間傾個不停，愈傾愈興奮，愈傾愈不能自控，王君馨更不期然將Pat Pat瘋狂搖擺，加上手部動作，嚇得一直在旁的黃日華一臉疑惑，為免女方有再進一步的行動，食鹽多過你食米的黃日華即時閃走，以策安全。

※黃日華、王君馨及胡定欣齊齊為新劇《刑警》在西貢拍外景。

※王君馨十分貪靚，在等埋位期間不斷照鏡。

※Grace左照右照。

※Grace同恩師黃日華開工，顯得十分興奮。

※Grace忽然舞后上身，不斷跳呀跳。

※Grace愈跳愈興奮。

※Grace跳舞癮發作，嚇得在旁的黃日華先O嘴後走避。