《東西宮略》大結局大團圓

幕前大團圓 幕後親子樂
郭晉安湊仔嘆糖水晒幸福

無綫劇《東西宮略》今晚大團圓結局,劇中飾演齊宣王的郭晉安,將憑「愛的紋身」成功番東宮陳法拉,並與西宮陳敏之一起過着幸福生活,大享齊人之福。現實中,安仔亦幸福滿瀉,前日記者見他湊仔放學後,一起到九龍城食糖水享受父子樂。

由郭晉安、陳法拉和陳敏之主演的無綫劇《東西宮略》將於今晚 9時連播兩小時大結局,據知劇中飾演東宮鍾無艷的陳法拉,雖然被賜毒酒,但最終被其師傅鍾離子(阮小儀飾)救回一命,之後無艷助宣王擊退有意奪王位的信陽君(黃智賢飾),重掌江山。

安仔前日湊完囝囝令山放學後帶他到九龍城食糖水,開心得囝囝跑來跑去。 

安仔前日湊完囝囝令山放學後帶他到九龍城食糖水,開心得囝囝跑來跑去。

現實中安仔有個賢淑太太歐倩怡及一子一女,名副其實是個幸福男人。 資料圖片

現實中安仔有個賢淑太太歐倩怡及一子一女,名副其實是個幸福男人。 資料圖片

安仔跟粉絲在街上吹水期間,令山已自行開門上車。

安仔跟粉絲在街上吹水期間,令山已自行開門上車。

愛的紋身冧女

《東西宮略》今晚大結局,安仔將享齊人之福成功掂東、西宮返回自己身邊。 劇照

《東西宮略》今晚大結局,安仔將享齊人之福成功掂東、西宮返回自己身邊。 劇照

不過,無艷因為宣王當日賜毒酒而對他心死,而飾演夏迎春的陳敏之,亦因為愧對宣王,與無艷一起走到姜家村避世,二人並結為金蘭姊妹。最後宣王憑秘密冧招成功番東宮返回其身邊,並與西宮一起過着幸福生活,大團圓結局。

安仔昨日接受電話訪問,大爆其絕世冧功說:「有一個秘密,我同佢(無艷)之前掉轉咗魂魄嗰時,發現自己原來不知不覺間愛得佢好深,於是刺咗個愛的紋身喺佢背脊,因為嗰陣時掉轉咗魂魄,痛嗰個係我,法拉係唔知,直至有日佢沖涼,突然見到有兩個心,又寫咗啲字喺度,邊幾個字大家到時睇吓就知,結果我感動到佢返番嚟我身邊。」

fans等睇結局

劇中安仔大團圓結局,享齊人之福,現實中他亦妻賢子孝幸福滿瀉,前日下午 4時許,記者發現他湊完囝囝令山放學後,到九龍城地茂館食糖水,認真溫馨。安仔昨在電話中說:「 Cindy(歐倩怡)都喺度,我哋湊完個仔放學,落去地茂館食糖水,我哋間唔中都會嚟呢度食糖水㗎!」

前日安仔還在九龍城遇上幾位忠實 fans, fans上前與安仔打招呼之餘,還為安仔打氣,祝他主演的《東》劇大結局有高收視。


本文鏈接:《東西宮略》大結局大團圓