阿姐杏兒上下其手
王祖藍扮瑤瑤

【明報專訊】《荃加福祿壽》前晚錄影，王祖藍模仿「童顏巨乳」瑤瑤，維肖維妙，吸引不少觀眾要求「愛的抱抱」，就連汪明荃也不禁拍打他的假胸，阿姐笑說：「見到你都飽！」擔任嘉賓的胡杏兒羨慕男兒之身的王祖藍擁有滑溜美腿，她更席間衝上前摸他的腿。

女人形象連累難搵老婆

王祖藍自嘲為節目經常易服扮女人，連他照鏡覺得飽，他笑言要開始收斂，因為擔心娶不到老婆。王祖藍說：「這晚，我比真女人更加女人，我怕嚇壞媽媽級觀眾，不准他們的女兒嫁我。我最近出街，很多人讚我腰細腿幼，就是被那些造型搞定我了，將來找老婆，一定要找個身材比我好的！」

胡杏兒扮梅艷芳

胡杏兒自薦扮嘢，她提議跟「福祿壽」合作扮梅艷芳、草蜢獻唱《愛將》。胡杏兒說：「為了扮阿梅，我上網翻看舊片幾十次。心情都好緊張，之前一晚睡不着。」她大讚「福祿壽」模仿能力強，也很辛苦，幸好有好收視。問她怕不怕與緋聞男友黃宗澤成被玩對象？胡杏兒笑說：「不介意，被人扮即是有代表性，如果扮我的肥田造型，我可以借出飾物。」

汪明荃上網追劇

阿姐昨日首次出席《女王辦公室》宣傳活動，她表示該劇收視不錯，但很多觀眾只從網絡上追看，她說：「唯有靠自己看電視幫助收視，但我有時遷就不到時間，都要上網收看。」她透露八和會館有份為世博表演，目前已選好劇目，她會首度飾演刁蟬。

記者：鍾一虹 林祖傑
攝影：梁迺楠

王祖藍扮瑤瑤，胸大腰細腿幼，難怪惹來拍檔「非禮」。

胡杏兒落足心機扮梅艷芳。

阮兆祥與汪明荃每次都花心思扮嘢。

巨乳瑤瑤上身嚇怕阿姐　祖藍嘆扮女人趕走追求者

王祖藍扮女人維妙維肖，今次扮巨乳瑤瑤，假巨胸鬼咁銷魂。

王祖藍、阮兆祥、李思捷同埋阿姐汪明荃前晚喺將軍澳電視廣播城錄影《荃加福祿壽》，繼續發放笑彈，扮女人出色嘅王祖藍今次模仿台灣巨乳瑤瑤，唱《愛的抱抱》，啲神態鬼咁嬌嗲，造型又夠爆，一出場觀眾笑到收唔到聲。
節目開始前大家同李思捷切蛋糕慶祝生日，王祖藍想話走去阿姐身邊擁抱一下，點知阿姐可能怕鬼咗佢唔男唔女，直接拒絕話：「見到你都飽呀！」仲一手拍落王祖藍個假巨胸度，原來除咗阿姐被嚇飽外，王祖藍都嚇窒唔少女仔，佢話：「真係飽晒啦！做呢個節目將所有想追求嘅女仔都趕走晒，邊有人鍾意扮女人嘅男人 o架，隻腳仲幼過女仔，家出街人人叫我索女。」
至於扮嘢見稱嘅李思捷點會畀祖藍專美，佢扮大隻郭富城唱歌跳舞，不過佢身上嘅肌肉衫就假啲，但佢嘅唱腔就真係幾可亂真，加埋刻意扮嘅表情，相當搞笑。

阿姐見到王祖藍呢個巨胸 look即刻表示飽晒，走都走唔切。

阮兆祥模仿黃柏高，除咗有道具酒外，冇頭髮戴帽嘅應該係扮小側田。

杏兒唔怕被玩

李思捷扮郭富城嘅舞姿，明顯冇咁輕盈，但勝在夠爆笑。

胡杏兒前晚做嘉賓挑戰扮梅艷芳載歌載舞，佢仲為咗上呢個節目瞓唔着，節目內容經常會將緋聞男女新聞拎嚟開玩笑，胡杏兒同黃宗澤都係公認嘅一對，杏兒話：「如果真係扮都唔介意，有人扮即係有代表性。」