《衝呀!瘦薪兵團》6月播映《護花危情》7月播

由林峯、馬國明主演的劇集《回到三國》之前一直被指六月播映,不過日前就忽然有所調動,改由剛拍畢,由陳展鵬、田蕊妮主演的劇集《衝呀!瘦薪兵團》(前名為《Chok氣一族》)頂上。

監製留言籲跟進

無綫此舉令人不禁懷疑因《回到三國》的監製劉家豪已離職無綫轉投now所致,對於播映檔期有所調動,劉家豪亦於微博留言謂:「哎呀!點解?點解諸葛亮唔係諸葛亮?跟進!跟進!」記者致電劉家豪,他坦言自己的確於網上得知有關調動,不過由於現時自己已非無綫員工,故就算播映及要宣傳,無綫都不會通知他。問會否因他離職無綫令劇集不能出街?他謂:「唔關事,我監製嘅《護花危情》都七月上,應該唔關事。」

馬國明(左)與林峯早前一起為《回》試造型。(資料圖片)
馬國明(左)與林峯早前一起為《回》試造型。(資料圖片)

遲早播唔會失望

而馬國明對《回到三國》被抽表示不知情,問會否感失望?他謂︰「唔會,遲早都會播啦!(覺唔覺同劉家豪走咗有關?)應該唔關事,梅小青嘅《當旺爸爸》都播咗啦!公司投放資源拍一套劇,唔會因為咁而唔播。」

至於《衝呀!瘦薪兵團》男主角陳展鵬表示此劇剛拍完便即出感到開心,他表示自己都有份演《回到三國》,表示不知道劇集抽起一事,而《衝》劇監製王心慰坦言不知檔期本身是播《回到三國》,問後期工作會否很趕?她表示有足夠時間。

另外,林峯日前於內地出席公開活動,吸引大批市民圍觀,場面墟冚。


本文鏈接:《衝呀!瘦薪兵團》6月播映《護花危情》7月播