何傲兒放棄Sing途做好演員
07年，只有18歲的何傲兒（Lily）在家人反對下堅決參選港姐，只為了能在成年時做一件有意義的事，雖然最終三甲不入，但仍能順利踏入娛樂圈，近日更向模特兒方向發展。Lily指當藝人是她的第一份正職：「比起我啲朋友我更加早接觸社會，所以思想會比較成熟。」
雖然愛唱歌，但Lily暫不會向歌手之路進發，反而想先鞏固好演員的身份。而現時除了拍劇外，她亦嘗試模特兒工作，近期便跟名模熊黛林、Angelababy等一起拍宣傳ＭＶ。現階段Lily正積極瘦身，希望以最佳狀態示人，原來她之前試過食肉減肥，一個月內便減掉十磅，但當她回復正常餐單，體重便馬上打回原形，所以她惟有轉做運動減肥。
攝：劉智源 髮型：II@Willie 服裝：bread n butter
龔嘉欣同梁烈唯咀嘴冇feel
龔嘉欣為拍攝婚紗廣告，不惜與梁烈唯擺出多個親密甫士，期間龔嘉欣更獻出螢幕初吻給對方，但事後她表示搽了太多潤唇膏，所以沒有實質感覺。
無綫藝人龔嘉欣與梁烈唯（唯唯），早前到昆明、麗江拍攝多輯婚紗廣告，期間二人在攝影師要求下擺出多個親密甫士，當中包括有咀嘴、攬腰、拖手、面貼面等，而首次拍攝婚紗廣告的龔嘉欣，更為廣告獻出螢幕初吻給唯唯，令她感覺難忘。
事後龔嘉欣表示與唯唯分屬好友，故與對方拍攝親密鏡頭感覺不尷尬，她謂：「平時我同唯唯都玩得好癲，不過就好少咁親密，所以有少少怕醜，但就冇尷尬，唯唯好細心，因為婚紗啲裙尾好長好重，佢好有風度成日幫我拎住裙尾。（同唯唯拍咀嘴鏡頭有咩感覺？）好難忘，因為今次係我螢幕初吻，不過只係掂一掂個嘴，而且我搽咗好多潤唇膏，所以實質冇乜感覺。」而拍完婚紗廣告後，龔嘉欣與唯唯更多了情侶檔搵真銀機會。
龔嘉欣獻出螢幕初吻給唯唯。
二人擺出多個親密甫士，龔嘉欣坦言有點害羞。
放大圖片
十年後先結婚
問龔嘉欣對於結婚有何憧憬？她表示希望可以有童話式婚禮，周圍布滿「白雪雪」的花，她表示：「依家廿歲，其實冇乜點諗過結婚，最快諗住十年後先結婚，畀多十年時間自己去工作搏殺。」
李思欣濕氣重嘴唇甩皮
無綫女藝人李思欣，早前接拍了古裝劇《公主嫁到》遇上口部發炎，上唇嚴重甩皮，令她大為頭痛。
李思欣說：「起初以為乾燥甩皮，開工濕啲水，等上唇唔好咁乾，後來睇中醫，佢話我濕氣重，好在最核突嗰兩日唔使開工，依家搽緊藥膏，醫生叫我盡量唔好化妝，有啲困難囉，惟有拜託導演唔好影我咁多正面。（同咁多女仔合作會否怕多是非？）唔會，之前同陳敏之、葉翠翠、陳自瑤拍打牌戲，每人只得七隻牌，我哋都係象徵式咁玩，然後將成枱黃金推來推去，都幾得意。另外有場戲講我被父皇罰抄，我中學後都冇再寫毛筆字，不過我覺得啲字靚過用原子筆。」
服裝：Miss Sixty
場地：馬哥孛羅香港酒店（Cucina）
李思欣（右起）、陳敏之、葉翠翠、陳自瑤扮打牌，寓工作於娛樂。
熊穎詩學瑜伽界仔
香港小姐熊穎詩有玩瑜伽習慣，平日不時在家中閉關修煉，不說不知，原來她最初學習瑜伽不是為強身健體，而是因為暗戀靚仔老師。
應屆香港小姐季軍熊穎詩學習瑜伽年半，日前她跟星級導師黃佩霞學習瑜伽改善技巧。在指導下熊穎詩做出平日未能自行完成的伸展動作，而慣常的錯誤姿勢亦得到改善。問到黃佩霞對熊穎詩的評價，她說：「佢同我一樣屬於『硬骨頭』，身體唔夠柔軟，不過優點係肌肉有力，佢好有瑜伽嘅感覺，學嘢好快上手，都係嗰句最緊要練習多啲。」
熊穎詩年半前開始在加拿大學瑜伽，笑言最初只是跟潮流及睇靚仔：「前排加拿大好興瑜伽，於是跟朋友去學，嗰陣個瑜伽老師仲好靚仔添！」問熊穎詩其後可有發展瑜伽情緣﹖她笑說：「都有特登同佢傾吓偈，有諗過約佢去街。不過，之後聽到佢有女朋友，咁就即刻打消咗念頭！但練瑜伽之後連背痛都好咗，所以一直學落去。」
另外，熊穎詩透露最近與曹格拍攝ＭＶ，首次穿婚紗外還與曹格咀嘴，不過只是借位，她稱：「曹格好Nice，開工又鍾意唱英文歌，好好聽。」
