佘詩曼粉絲豪送林寶堅尼

入行多年的佘詩曼，收過「粉絲」的禮物可謂多不勝數，其中有兩份最令她印象深刻，她說：「有個影迷知道我鍾意車，就送咗呢個林寶堅尼跑車模型畀我，佢知我買唔起咁貴嘅車！車上面仲印咗我個樣，車牌係SS1，SS係代表『佘佘』，係Fans對我嘅暱稱，『1』就係No.1嘅意思。」

粉絲對阿佘的照顧可謂無微不至，除了送上偶像喜歡的靚車模型外，又有粉絲送了一個由阿佘童年照、與媽咪合照等而製成的「扭計骰」！阿佘表示粉絲擔心她開工等埋位時太悶，所以特製扭計骰助她消磨時間：「最感動唔係收到禮物，而係佢哋嘅心意，好似每次同內地嘅Fans聚會時，佢哋都會改一首歌嘅歌詞畀我聽，支持我同祝福我，有時都會聽到眼濕濕，所以去內地開工幾忙都會抽時間同佢哋聚一聚，佢哋仲話只要我開心，佢哋就開心！」

呂慧儀打爛安德尊齋缽

呂慧儀近日與有「緋聞絕緣體」之稱的安德尊傳緋聞，昨日她出席活動時即否認，笑言打爛對方「齋缽」，亦不好意思致電對方。

靚女周汶錡、呂慧儀、苟芸慧、宋熙年與王君馨，昨日聯同黃永幟出席《為食總司令》宣傳活動，其中以王君馨最為性感，身穿低胸裙的她露出長長的「事業線」，相反新一代性感女神呂慧儀只是吊帶上陣，相形見絀。

一班靚女舉蟹合照，呂慧儀（右三）卻被嚇到花容失色！

近日傳搭上安德尊的呂慧儀，被問到緋聞時表示得啖笑：「除咗啲相係真之外，其他嘢冇樣真！（啲人話佢係大地主喎？）唔知！只知佢係個好前輩，總之我哋唔會啦！我都唔知點解報道會咁寫。我哋私底下好少見面。（傳緋聞後有冇打電話畀安德尊？）冇！唔好意思，打爛佢個齋缽！」

苟芸慧努力減肥中，希望夏天前回復苗條。

王君馨低胸打扮上陣，搶盡其他女星風頭。

苟芸慧減肥迎夏

此外，剛由日本拍完飲食節目發福不少的苟芸慧，自言正積極減肥中，希望以最佳狀態迎接夏日：「夏天前一定要瘦！（行泳衣騷？）如果健康嘅話，都唔介意着泳衣，要睇公司安排。」

影視組

呂慧儀只視安德尊為前輩，不會作非分之想！