出發到雲頂登台 綻放•魅力演唱會

天華法拉聯手爭帝后

螢幕情侶檔對藝人來說搵到錢又有噱頭,陳豪、陳茵媺便是好例子,憑《潛行狙擊》而熱爆的謝天華和陳法拉,除因情侶檔接Job接到手軟外,天華還寄望憑二人聲勢可奪今屆視帝、視后,不讓有五倍半信心的視帝候選人黎耀祥專美。

謝天華、陳法拉、吳卓羲、胡杏兒和徐子珊昨晨齊出發到雲頂登台開演唱會。天華最近四出登台,遠至大陸偏遠地方都是搵錢之地。雖然法拉現時正忙於拍攝新劇《東西宮略》,但之前二人都有機會到內地剪綵搵銀,問二人以情侶檔出席是否酬勞倍升時?天華說:「當然兩個人出現酬勞理想啲,不過法拉開工啲期都好難就,(畀陳豪、陳茵媺搶晒啲情侶檔工作?)唔係嘅!法拉間唔中都度到期,不過有啲夜晚show就我自己一個接,其實內地好多遠啲地方都搵我哋工作,諗唔到《潛》劇影響咁遠。」

陳法拉對謝天華捧視帝有信心。

陳法拉對謝天華捧視帝有信心。

胡杏兒勤接劇集,笑自己似工廠女工。

胡杏兒勤接劇集,笑自己似工廠女工。

(左起)吳卓羲、胡杏兒、謝天華、陳法拉和徐子珊齊出發到雲頂登台。

(左起)吳卓羲、胡杏兒、謝天華、陳法拉和徐子珊齊出發到雲頂登台。

法拉仲有進步

提到黎耀祥攞視帝信心大增,更希望與張可頤憑台慶劇《法證先鋒III》齊齊封帝、后,對此,天華坦言都希望與法拉可以憑《潛行狙擊》齊齊奪獎,他說:「劇中我哋演一對,梗係想一齊攞,呢個好自然,(有冇信心攞埋最佳劇集?)真係要睇埋今年出街嘅劇先可下評論,暫時套劇係今年收視之冠,希望可keep住優勢。」說到視后獎項,法拉謙稱:「我對天華攞視帝好有信心,我自己就可以遲少少先,仲有進步空間,依家仲係學習階段。」

杏兒單拖獻歌

胡杏兒單拖上陣,問為何不預埋黃宗澤以情侶檔為雲頂fans獻唱時,她笑言:「我咪型囉,獨立女性嘛,事業型幾好!」杏兒坦言因趕為《換樂無窮》埋尾,只睡了一陣便來機場,她笑謂:「我都覺得自己太勤力,好似工廠女工咁,返嚟又要即刻開《怒火街頭II》,(冇得同Bosco去旅行?)冇啦!食飯、見面都冇時間,只可在公司見。」此外,緋聞男女卓羲、子珊坦言會合唱《小酒窩》,對於緋聞女友張馨予於微博上的留言,他表示不回應。


本文鏈接:出發到雲頂登台 綻放•魅力演唱會