吳家樂視網膜脫落險盲

吳家樂去年左眼出現退化迹象,當時未有及時醫治,大前日他替兒子洗澡時左眼狂標淚水,頓時失去三分一視力險盲,經醫生檢查後,證實他五分一視網膜脫落,需進行緊急手術及留院觀察,並停工數星期休養。

吳家樂前日在微博上載一張留院相,惹來各方好友關注,擔心其健康狀況。昨日他再上載左眼貼上紗布的獨眼龍照片,並留言:「多謝大家關心!昨天做完手術!還要多瞓床!」原來他入院進行眼疾手術,目前已無大礙。其太太周蕙蕙鬼馬留言說:「你左眼見到鬼?看錯了,係我呀!」

吳家樂日前幫囝囝沖涼時,左眼突然不適,要立即入院治理。(資料圖片)
吳家樂日前幫囝囝沖涼時,左眼突然不適,要立即入院治理。(資料圖片)

幫仔沖涼狂標淚

昨日家樂接受電話訪問時,初時開玩笑說:「自己chok得滯,影相chok爆咗隻眼!」後來他正經講述為何入院:「大前日同仔沖涼時,突然發現左眼流啲水出嚟,轉頭就睇唔到嘢,當時有三分一格睇唔到。」原來去年他左眼已感不適,經醫生檢查後證實左眼有退化迹象,惟當時家樂認為眼疾未對工作出現太大影響,因而延遲就醫,至大前日險盲才即時入院。

家樂說:「當時仲自己揸車去醫院,個仔交畀老婆照顧,醫生話我五分一視網膜脫落,要即刻做手術,屋企都返唔到。醫生講個手術都幾大,要將上下眼皮擘開,將成粒眼珠攞出嚟,所以要全身麻醉。今日做完手術都全日瞓,成個人仲暈暈哋。」昨晚家樂在微博向各人報平安,多謝大家關心。

停工休養數星期

家樂坦言老婆初時有點擔心,目前無大礙後才放下心頭大石。問到可會停工休息?他說:「要休息幾個禮拜,依家隻左眼好似爆晒咁,全隻眼紅晒又未消腫。原本今日有個job要公司幫我推,主持嘅《今日VIP》都要停。」


本文鏈接:吳家樂視網膜脫落險盲