吳美珩為老公掃靚西裝
吳美珩近年已絕迹娛樂圈，專心相夫教子的她，日前下午四時許，獨自往中環行街掃貨。當日一身闊太打扮的吳美珩，戴上太陽眼鏡及孭着名牌手袋，在該處商場逛了數間名店，卻兩手空空離開。
未幾，吳美珩步入附近的百貨公司選購男裝，見她在店內揀西裝褸及領呔等服飾，看來是為老公置裝，最終她在店內逗留了不足15分鐘，已大有斬獲，付款後即抽着大袋戰利品離開。
胡杏兒開新帳號會粉絲
近期好多藝人都透過Facebook同朋友、粉絲保持聯繫，演而優則唱嘅胡杏兒亦係「面書」嘅一分子，雖然唔算好活躍，但係好多人Add佢，最近終於衝破五千人大關，但係Facebook限制每個人只可以有五千個朋友，搞到杏兒要開過個新帳號，希望照顧晒所有想Add佢嘅粉絲喎，認真識做！