拍床戲男友監場 半途眼冤走人 君如拒接棒開《飯局》

古天樂及吳君如近日於新片《神奇俠侶》扮演超能力夫婦，早前更拍了床戲，當中動作異於常人，古仔大讚「正」之餘，更坦言非一般「性」的辛苦。另外，君如又強調自己不會接替陳志雲做主持。文：游艾維圖：鄧國良

古仔、君如昨日出席《神奇俠侶》新片發布會，此片已開拍1個月，兩人在開工首天已拍床戲，古仔在台上說：「拍到一半，陳可辛走人，好好多！」君如亦表示：「佢一走，我就好放、好開心。」問君如是否因男友監場而不自然？「第1日開工拜神，佢有必要在場，唔係Peter（陳可辛）嘅問題，係我同古仔未混熟。」古仔即說：「我口地要有夫妻間嘅默契，加上唔係簡單嘅床戲，我口地有超人特異功能，超人拍床戲，好唔同口架。」

問當中有否高難度動作？君如說：「當然有。」古仔亦大讚：「正呀，正呀。」是否有拗腰等動作？君如說：「有呀，非普通人嘅床戲，會掃爛晒口的杯碟，又要拗腰。」問古仔拍動作戲抑或床戲辛苦？「各有各辛苦，係非一般性辛苦，做超人唔簡單，件衫有皮有銅牌，背脊痕邊個幫我？」

北上忌蒲留房煮飯仔

另外，有指TVB力邀君如取代陳志雲做主持，但她表示：「唔會，未來都唔會返TVB做節目，一來好忙，加上《星星同學會》第1輯做得好好，應該見好就收，唔好死做爛做，我唔做清淡節目喇，無挑戰。」至於日前何潤東、田亮及Yumiko等人於內地拍劇後消遣遇襲，君如和古仔也不時返內地工作，古仔坦言收工後愛留在房內，君如即說：「我和古仔知名度高，出外也會有Fans要求合照，好多事自己控制唔到，都盡量避免去酒吧，情願留在房玩煮飯仔。」

此外，君如昨早接受查小欣的節目訪問時，透露鄭中基於分手前曾對她透露心聲，「佢叫我有心理準備，我即刻問佢，要唔要借個膊頭畀你？」當時中基說不用，問君如會否當二人的和事老？「佢口地兩個都成熟，唔係報道中所指有第三者或花心問題。」

■古仔與君如在新片飾演超能力夫婦，拍床戲要異於常人。

■君如拒做清談騷，所以不會接替陳志雲做節目。

（資料圖片）

■床戲拍到一半，陳可辛走人，古仔及君如即時「鬆晒」。

嘟姐主持《飯局》想訪問志雲

鄭裕玲（嘟姐）前晚錄影最後一集《逐格鬥》。早前有傳TVB會找她主持新節目，頂替《志雲飯局》，嘟姐卻表示沒聽到公司有此安排，至於對新節目會否感興趣？「甚麼形式也沒所謂，適合自己便做。（如果主持這節目，是否最想訪問陳志雲？）好呀。」問嘟姐近日有否留意「高層收手袋」的報道？她笑道：「不用送給我，我也不會送給人，我鍾意自己買，可以選擇自己鍾意的顏色和款式，別人送的不適合我。」另外，新一屆港姐放寬參選條件至28歲，也不需身分證持有3粒星，曾選港姐的何傲兒說：「年齡放寬是好事，如果真的由外籍女孩奪冠，她要真的能代表到香港，才可稱港姐。」

文、圖：鍾舜英

■嘟姐（小圖）前晚錄影最後一集《逐格鬥》。