女人斟:苟芸慧絕情絕食女神歸位

女神歸位!兩年多前,苟芸慧的美艷令宅男驚為天人,因為近 10年的選美冠軍,樣貌一年不如一年,久違了的美女終再在香港出現,無綫也重點力捧,可是,苟芸慧突然發胖,女神地位岌岌可危,之後更承認與比自己年輕的羅天宇拍拖,盡碎宅男的心。終於,女神醒覺,撇甩男友,更全力減肥,保住靚招牌之餘,亦盼望做個有實力的女神。 撰文:羅美倫

於 09年自多倫多返港參加國際中華小姐奪冠後加入娛樂圈,苟芸慧因有美貌又有身材,即成宅男心中女神,還獲傳媒冠以「高貴咪神」稱號,雖然她不想外界只留意她的外表,但也感激傳媒給她一個好的暱稱。

有高貴咪神之稱的苟芸慧,雖然不想外界只留意其外表,但也感激傳媒給她一個好的稱號。 攝影:陳志嵐

有高貴咪神之稱的苟芸慧,雖然不想外界只留意其外表,但也感激傳媒給她一個好的稱號。 攝影:陳志嵐

不過,苟姑娘有段時間的體重直線上升,問到是否想永遠保持靚女狀態、感到壓力而變肥?她說:「一嚟香港體重一路上,落少少就彈番上去,啲人話唔適應香港水土就係咁,要時間慢慢研究應該點食嘢,始終呢行生活方式同正常人唔同,見到呢行咁多人都 keep到,自己無理由唔得。」自此,苟姑娘便開始學習管理自己的體重及狀態,那做了「咪神」後走樣,會否不開心更有壓力?苟姑娘笑言:「俾人講唔開心係自然反應,但佢哋又講得啱喎,藝人有形象,肥係唔啱,唔好浪費咗公司、支持者對我嘅期望,如果自己唔識珍惜,唔做好自己,係抵鬧,要改。」

苟芸慧參選華姐時,身材弗到爆燈,但之後卻走上暴肥之路(右圖)。 資料圖片

苟芸慧參選華姐時,身材弗到爆燈,但之後卻走上暴肥之路(右圖)。 資料圖片

 

聽慣批評說話

苟芸慧(左)去年承認與羅天宇(右)拍拖,兩人曾於 09年香港先生選舉中與陳志雲合照。 資料圖片

苟芸慧(左)去年承認與羅天宇(右)拍拖,兩人曾於 09年香港先生選舉中與陳志雲合照。 資料圖片

在變肥的那段時間,苟姑娘幾近走進人生低潮,想法總是負面,笑容少了,後來她也察覺到應該要做回昔日開心的苟芸慧:「有啲嘢唔急得要慢慢嚟,我只不過未覺得自己係好多人望住,身份已經唔同咗,未發現自己係一個表演者、演員或者模特兒,只當自己仲喺加拿大玩緊嘅學生妹,好得意。突然有日瞓醒就發現呢樣嘢,就知減肥係必須做,咪去做囉。」
暴肥期間,苟姑娘自然聽過難聽的批評說話,不過她反而覺得特別:「有人叫我 pizza面,幾有創作性吖,好佩服,其實我睇人眼神或身體語言都 feel到佢哋對我好失望,都係自己唔啱,唔怪得人咁睇你,要做好自己人哋先冇藉口話你,越係放棄越唔勤力減,只會畀機會人批評。」苟姑娘終於知道自己是活在透明箱中,一舉一動都被盯緊,她坦言:「雖然肥瘦係個人嘅事,但我係藝人唔係普通人,要知自己位置,做藝人嘅人哋唔會接受我肥,要做好藝人本份,就唔好問點解, just do it。」

感覺以往自私

認清目標後,苟芸慧就努力減肥,希望有日可做個成功的演員。

認清目標後,苟芸慧就努力減肥,希望有日可做個成功的演員。

除了體重,公開與年紀比自己少的 08年香港先生羅天宇拍拖,也令苟姑娘的女神地位危上加危,問她可有後悔公開戀情?苟姑娘說:「當時我唔想講大話,因為對佢唔公平。」不過,最近苟姑娘跟羅天宇的關係有變,她說:「同佢傾過,喺呢個時候大家都想努力爭取事業上嘅成就,之前我哋都只顧自己,唔顧公司畀機會栽培,唔識珍惜係好自私。佢都好成熟咁覺得我哋重心擺錯咗,應該擺番喺啱嘅位上,所以我哋將關係重新定位,唔好傾感情,唔講情話唔拍拖,但會似親人咁互相關心。」
與羅天宇分手後,苟姑娘醒覺之前自己比較任性、自私,決定放低兒女私情以工作行先,相信這做法對自己、羅天宇及公司都是好事,且看女神何時可突圍而出。
場地: dada Bar@The Luxe Manor
髮型: Oscar Shek@Hair
化妝: Henry

比陳妍希幸運

同是女神,台灣的陳妍希在事業上十分成功,苟姑娘也有留意這位女神,同是 28歲,陳妍希已入行 5年,經歷自然比苟姑娘多,苟姑娘說:「成功唔係一日得嚟,視帝黎耀祥都係累積返嚟,我比陳妍希更幸運,身邊有人幫我、錫我,自己唔識愛惜自己就對唔住佢哋, 2012年會朝住啱嘅路去行。」

苟芸慧在《荃加福祿壽探案》中放下靚女包袱扮鬼扮馬。 劇照

苟芸慧在《荃加福祿壽探案》中放下靚女包袱扮鬼扮馬。 劇照

陳妍希憑《那些年,我們一起追的女孩》走紅,而苟芸慧就自覺比她幸運。 劇照

陳妍希憑《那些年,我們一起追的女孩》走紅,而苟芸慧就自覺比她幸運。 劇照

不做花瓶

苟姑娘的目標,不是做女神或花瓶,而是一個多元化的演員,她在電視劇《荃加福祿壽探案》中也曾放下靚女包袱來扮鬼扮馬,她已把自己視為演員,只等好角色來印證。

釋放表演慾

為了事業,食慾甚至愛情都得犧牲,苟姑娘可有後悔將自己放在透明箱中?她說:「最初都唔知自己身份唔同咗,仲當自己係普通人,面對轉變係要掙扎,成日問自己要唔要做呢行,結論最深處係鍾意表演,揀咗就要朝住目標做,食得鹹魚就要抵得渴。」

父母管教嚴

苟芸慧的母親(右)對她管教很嚴,令她一度抑壓住自己的表演慾。 資料圖片

苟芸慧的母親(右)對她管教很嚴,令她一度抑壓住自己的表演慾。 資料圖片

原來苟姑娘小時候已愛整古做怪,得爺爺、嫲嫲很開心,只是父母嚴管她成為一個有氣質和高貴的人,她才抑壓住自己的天份、興趣及表演慾,苟姑娘笑言:「家表演慾慢慢釋放出嚟,以前會好理智咁同自己講,乜嘢可以做乜嘢唔可以做,但做咗藝人就有番自己嘅情緒,可以用喺拍戲上。」


本文鏈接:女人斟:苟芸慧絕情絕食女神歸位