兩面人開騷　妻女齊捧場
陳奕迅熱唱《囍帖街》玩緋聞

Eason以鏟青髮型及鴛鴦顏色的西裝出現，以配合個唱主題。

陳奕迅（ Eason）一連 18場演唱會昨晚開鑼，全場爆滿反應熱烈。 Eason除了唱出自己歌曲外，更演繹多首別人的歌，雖然老婆徐濠縈也在場，但開場不久他已唱出曾跟自己傳緋聞的謝安琪一曲《囍帖街》，毫不避嫌。

陳奕迅一連 18場「 Keep Walking Duo陳奕迅 2010演唱會」昨晚在紅館開鑼， Eason可算是近年在紅館開得最多場數演唱會的歌星，成績斐然。開場前紅館外有精品發售如 T恤等，吸引大批 fans排隊選購。 Eason眾好友如黃偉文和何超儀等捧場， Eason的父親陳裘大、老婆徐濠縈及囡囡康堤也現身支持，傳是斷背好友的容祖兒及何韻詩更大方並肩而坐。

別有一番味道

今次演唱會主題是「兩面」， Eason甫出場以鴛鴦色的西裝出現，髮型一邊留長一邊鏟青，相當貼題。 Eason已事先張揚會選唱別人的歌，甫開場他先唱自己的《今天等我來》，之後是羅文的《好歌獻給你》，雖然聲線有點沙啞，但已換來全場掌聲。
唱罷《落花流水》後， Eason不避嫌唱出曾跟他傳緋聞傳到熱烘烘的謝安琪的《囍帖街》， Eason唱來不但沒有走音，還別有另一番特別味道。之後 Eason還唱了張學友的《頭髮亂了》及王菲的《約定》，但唱《約》歌時 Eason似忘記歌詞要砌歌詞填補，唱《落》歌時又甩嘴，他也忍不住在台上笑。
之後 Eason在台上說：「大家係咪覺得我好正經， Duo嘅意思，我一面係嗰啲（性格癲狂），但一面就好正經，同埋我係一個好難喺人面前喊嘅人，但頭先出場真係興奮到有啲想喊。」

陳裘大（小圖）、徐濠縈（右）和女兒康堤昨晚為 Eason打氣，何超儀也來撐場。

今次陳奕迅的演唱會設計了多款精品出售，以 T恤最受歡迎。

唱哥哥歌嗚咽

Eason站在高台唱歌，再加上現場的佈景裝飾，睇頭十足。

Eason自言腦筋轉數快，但卻常語塞，他又憶述：「有一年我喺港台做宣傳，其間同工作人員出去食煙。突然我身後有把沙聲同我講：『陳奕迅，不如戒煙，你把聲咁靚，錫住佢。』當我見到佢，我呆咗唔識畀反應，家諗番好後悔，有機會我會同佢講，哥哥（張國榮），你身體好嗎？」說畢 Eason唱張國榮的《寂寞夜晚》，他更一度嗚咽掩鼻。