姚子羚遊薰衣草園憧憬出嫁
最近在新劇《秋香怒點唐伯虎》演石榴的無綫小花姚子羚（Elaine）一直嚮往童話式婚禮，北海道這個景色迷人的地方是她首選之地，早前Elaine獲邀與蔡淇俊到富良野拍婚紗廣告，在一片薰衣草園中取景，讓她一圓心願，她興奮地說：「雖然唔係真結婚，但我同蔡淇俊着住婚紗、禮服周圍影相，好多日本人都走埋嚟恭喜我哋，幾搞笑！」她直言擔心與蔡淇俊給人姊弟戀的感覺，怎料合作後擦出火花，她說：「開頭有啲唔慣，但熱身一輪，下午已好熟落，可以好Sweet咁攬晒兼鼻貼鼻合照，唔使埋位都互叫老公、老婆！」她希望將來男友可在這個地方向她求婚，她說：「一片薰衣草園真係好浪漫，如果將來男友喺呢度同我求婚一定會應承囉！」
雪中浸溫泉
除了這次「有錢賺」的北海道之旅外，Elaine亦曾與一班好友到北海道旅行，她直言放假心情特別輕鬆：「去到真係咩都想買，除咗出名嘅玻璃瓶同音樂盒外，我連Hello Kitty筆都買咗幾十支，成年都用唔晒呀！」她亦有到溫泉區浸溫泉：「我去嘅時候已經開始融雪，但係啲雪包圍住浸溫泉，感覺同大自然好接近。」
姚子羚和蔡淇俊連吃雪糕亦要分甘同味。
姚子羚和蔡淇俊合作甚有默契。
姚子羚很喜歡薰衣草園，希望將來男友能在這美景下求婚。
馬賽蜜糖燕窩水養顏
港姐季軍馬賽每當壓力大或天氣轉變都會長滿青春豆，在參選期間她亦受這個煩惱影響，當時惟有找中醫治療，雖然其後肌膚有明顯改善，但食中藥也不是長遠解決的方法，她只好自己想辦法養顏。
原來馬賽每朝都會喝蜜糖燕窩水，而市面上有很多現成的燕窩售賣，不用自己親自煮，她說：「我會將啲燕窩放落熱嘅蜜糖水度，每朝都會飲完先出門口，而我每日都一定會帶個暖水壺出街，因為要令肌膚好，一定要飲多啲暖水！」除了飲蜜糖燕窩水外，馬賽平日都會養成良好的生活習慣：「我食飯會多飯少餸，盡量食多啲有營養嘅嘢，同埋我依家一定會早瞓，差唔多11點就會上床瞓覺！」馬賽認為落妝亦是重要一環，由於工作關係，她差不多每天都要化妝，所以睡前一定會做好落妝的步驟，除了徹底落妝，其後的洗臉工夫亦相當重要，每晚她都要清洗乾淨才安睡。
