姚瑩瑩擔心受工潮影響 鄧健泓危坐天台拍MV

姚瑩瑩擔心受工潮影響

姚瑩瑩昨日返將軍澳電視城為《讀心神探》開工,無綫員工前日就加薪問題再度集體請病假抗議,約有四十人參與,據知《讀》劇亦受影響而停廠。不過姚瑩瑩表示不知情,前日正為另一劇集《女人最痛》開工,她說:「每個部門都有自己嘅立場,最好同公司傾吓。作為演員,返到嚟廠就當然唔想開唔到工啦!」無綫外事部發言人則指昨日沒有員工請病假。而前日剛好是尹志強的頭七,瑩瑩表示拍檔米雪開工時狀態不錯:「佢OK o架!佢好Tough、好勁!」

至於《讀》劇監製徐遇安表示,前日返電視城才知布景組及道具組有同事請病假,笑言自己都是受害人:「雖然尋日全日冇拍過廠景,但影響唔大,知道佢哋開咗會有共識,今日已經回復正常。」

 姚瑩瑩昨日開工拍《讀心神探》。
姚瑩瑩昨日開工拍《讀心神探》。

鄧健泓危坐天台拍MV

鄧健泓(Patrick)計劃於五月推出全新大碟,並為此舉行MV創作比賽,他說:「今次大碟主題係真實同虛擬交替,希望網民幫我設計MV動畫,我唔介意喺MV入面攞我條命嚟『較飛』!」此外,日前他於大廈天台拍攝新歌MV,不惜危坐天台邊緣,認真牙煙!


放大圖片