宣萱一次過割5粒瘤 汪明荃8月世博演出

昨日,宣萱在其「微博」中表示自己做了手術,而且更全身麻醉了,她更自言失憶也肯定會多了一些,雖然宣萱未有在其文中詳細透露患上甚麼病,但仍透露了少許玄機:「不用擔心。手腕生了一個瘤,頭上也有四粒,一次全部bye bye了!」

宣萱在微博透露剛做完手術。
宣萱在微博透露剛做完手術。(資料圖片)

完成手術後的宣萱說:「我今朝做完手術就出院,好enjoy全身麻醉個感覺,反而我男友就好緊張,猛叫我唔好緊張,我梗係冧啦,其實我唔緊張,因為係小手術。頭同手嗰啲瘤都係良性,係之前滑雪受傷後生出嚟,而頭嗰啲瘤,醫生話係毛囊塞咗造成,將頭皮割開咗攞啲瘤出嚟就冇事,但都要剃小小頭髮,但影響唔到髮型,本身頭髮都可以遮住個傷口位,趁住最近唔使開工咪做咗先囉。」

http://t.sina.com.cn/jessicahsuan

汪明荃8月世博演出

汪明荃及張繼聰昨日現身文化中心,汪明荃說:「八月會同近百位八和會員到上海世博表演,我、羅家英同尤聲普會合演《曹操關羽貂蟬》,上海係我家鄉,我想四處參觀,但有工作在身,睇抽唔抽到時間。」而張繼聰則說:「我唔會帶埋囝囝去,我怕分心,又怕佢喺現場叫『爹哋』,(謝安琪去唔去?)我唔知。」