崔建邦今上庭應訊
崔建邦今天將就去年12月22日，涉嫌毆打當時女友鄺敏慧（中巴）一事，到觀塘法院應訊，被控「襲擊致造成實際傷害（AOA）」的他，最高刑罰可被判監三年，但昨天他仍照樣外出，試圖以積極心情面對官司。
崔建邦昨午三時，駕駛座駕到尖沙咀半島中心，對於記者追訪，他照樣以避之則吉的逃避心態處理。據悉，崔建邦昨日外出主要為月底出發往非洲馬拉維探訪一事，與工作人員開會，又抽時間與律師見面，為今天上庭作最後準備，此外更專誠到髮型屋「飛髮」，希望以精精神神四正look於上庭時給法官留下好印象。
而早前被傳與崔建邦翻撻的唐詩詠，曾揚言要視乎工作安排，再決定是否到庭聽審，但昨日至截稿前仍未有回覆。
三奶錯愛慘中桃花劫
去年黃長發與三奶李姿霆（Karen）譜姊弟戀，由開始至分手，皆成讀者茶餘飯後話題。最近網上流傳疑似黃長發的慾照，令他與前女友Karen再次成為新聞人物。
「我都想有咁長嘅腿」
Karen受訪時指阿發女友多多，她覺得是照片中女主角整蠱阿發亦不出奇。她說：「我睇啲報道，嗰啲相全部都唔見個女主角個樣嘅，阿發可能就係畀嗰個唔見樣嘅女仔整蠱啦！（女主角唔係你咩？）梗唔係啦，我都想有咁長嘅腿，同埋嗰條白色底褲都唔係我。（你哋拍拖時有冇試過拍情慾片段？）冇喎，佢從來都冇要求過。（擔唔擔心？）我冇拍過就唔使擔心，要擔心都係阿發自己啦。（相士話佢有桃花劫？）邊個有我就唔知，我以前同佢就真係桃花劫嘞，不過目前我係單身，一個人生活得好舒服。」
