李國麟食完打包唔會嘥
在無綫劇《宮心計》內飾演大奸角馬元贄大將軍的李國麟，日前約晚上七時半，與家人到灣仔謝斐道一間食店晚膳。開餐前，李國麟與兩名女親友走到門外抽煙吹水，之後才折返餐廳內用膳，席間見他們有講有笑，十分融洽。醫肚後，他們還把食剩的餸菜打包拿走，沒有浪費食物。
康華幫嘟嘟做媒
康華、陳智燊、彭健新及趙碩之等前晚錄影鄭裕玲（嘟嘟）遊戲節目《逐格鬥》，期間康華猛在嘟嘟面前讚陳智燊靚仔，圖得到優待，康華不時對嘟嘟說：「陳智燊又高大靚仔又眼大，嘟姐你要換吓口味。」揶揄嘟嘟前男友呂方眼細，不過嘟嘟反駁說：「你咁鍾意你嗒咗佢嘞，估唔到今集搵咗個女色狼上嚟。」另彭健新的愛犬OK仔會做恭喜發財動作，逗得觀眾十分開心。
嘟嘟（右）直指康華是女色狼。
趙碩之着得密實，故可瞓身玩遊戲。