廖碧兒做打女上癮 梁烈唯生日撞車幸無恙

廖碧兒做打女上癮

華裔小姐出身的廖碧兒,去年膽粗粗嘗試以打女身份轉戰影壇,結果反應不俗,對碧兒來說無疑是打了支強心針。有舞蹈底子的她,不諱言從沒想過當打星,她謂:「細個睇楊紫瓊啲戲覺得佢打得好靚,但又知道佢背後受過唔少傷,所以都冇諗過自己有朝一日會做打女,不過後來聽啲武師講,我有跳舞底學打會好容易,所以就博一博,好彩都應付得嚟。」

而繼年前一部西片後,早前碧兒又於《滅門》演打女,笑言愈打愈上癮,寄望日後能憑演打女闢出一條新路向,她謂︰「我唔敢奢望做到楊紫瓊嘅成績,但如果可以有個提名,我都已經心滿意足嘞!」

廖碧兒成功開拓打女市場,笑言日後會繼續努力。
廖碧兒成功開拓打女市場,笑言日後會繼續努力。

梁烈唯生日撞車幸無恙

藝員梁烈唯於昨日出席「三月星辰」活動時自爆:「頭先泊車時掛住同人傾偈,搞到部車撞到個欄,好彩冇撞到人!」問到其生日願望時,他說:「希望事業順利,唔好似頭先撞車咁失魂啦!」他又表示昨早接受查小欣的電台節目訪問大感高興,認為接受小欣姐訪問好似一個指標。


放大圖片