廖碧兒失戀冇心機

最近盛傳與陳豪分手的廖碧兒，寄情工作的她連日為新片四出宣傳。不過前日下午五時許，廖碧兒難得不用開工，即相約女友人到中環行街。素顏的廖碧兒一身便服打扮，雖然天氣已經回暖，但她仍圍上厚厚的圍巾，當她與友人於該處商場行逛時，失戀的碧兒心情似乎麻麻，全程沒有笑容，行了一圈後她見記者在場，即強顏歡笑揮手打招呼，然後急急與友人步行往附近的曬相店拿取證件相，於店內逗留約十分鐘，便在馬路旁登上七人車離開。

素顏的廖碧兒到中環曬相，心情麻麻的她木無表情。

鍾嘉欣搵贊助慳置裝費

轉型做歌手嘅鍾嘉欣，打扮愈嚟愈注重，向來係慳妹嘅佢不惜「豪花」幾千蚊置裝，買咗三、四件One-piece裙仔做春裝，令到佢嘅歌手形象更加青春。其實嘉欣點扮都咁青春，慳慣嘅佢希望有贊助商睇中佢嘅青春形象，然後贊助服飾，咁就可以慳番唔少錢。