廖碧兒新西蘭練煲冬瓜

廖碧兒早前到新西蘭擔任音樂比賽嘉賓，短短5日行程中，收穫不少，剛巧當地播出其主演劇集《當狗愛上貓》，為她吸納了不少戲迷，但原以為今趟主要說英文的她，沒想到說得最多的，反而是其最弱的普通話。

原來一批新增的Fans乃台灣華僑，碧兒笑說：「我哋用普通話溝通，不嬲呢方面都係有限公司，好在都講到兩嘴！」除了工作，她還一過購物欲：「淨係紅白酒都買咗兩箱，仲有花膠同毛冷，總之咩都想買，見馬德鐘買咗好多蜜糖，我都想買，但係啲酒已經搞到我差啲超重，所以冇買到，真係有啲後悔。」

廖碧兒與馬德鐘等到新西蘭出席活動，順道Shopping。

敖嘉年有幸親睹洪拳對詠春

於新片《葉問2》飾演熱血總編輯的敖嘉年，早前因忙拍攝新劇《巾幗梟雄之義海豪情》，未能與電影演員到內地進行宣傳，他大感可惜：「我梗係想去啦！不過套劇拍得好密，所以度唔到期，連最近好多登台、搵錢嘅Job，公司都同我推咗。」問他白白失去搵銀機會，會否感到肉赤，他說：「呢啲要作出取捨，錢第日可以搵過啫！」

嘉年於《葉》片中與甄子丹有不少同場戲，其中看到甄子丹與洪金寶兩位好打之人詠春對洪拳的場面，令他大開眼界：「真係好犀利，平時邊會有機會見到兩位巨星打得咁精彩？我喺旁邊睇嗰陣，即刻變咗個小Fans咁！」

敖嘉年（右一）與甄子丹在《葉問2》中合作，大讚對方工作認真。