徐子珊，港姐冠軍、電視台姐仔、影壇新貴，有誰想到她會在台上勁歌熱舞？今年還要一枝獨秀，橫掃各大頒獎禮新人獎。如你還未欣賞她的舞技，請上 YouTube，全城勁Hit。眼前的徐子珊率直可愛，再三強調自己未Ready加入樂壇，卻又告訴你計劃今年推出第二張專輯，愛上唱歌表演云云，今天我敢說，徐子珊一定得！主持：黃柏高

統籌：林永匡 協力：彭燕燕、袁東亮 場地提供：銀座梅林

臨近年尾，無綫播出話題劇《美麗高解像》揭盡娛圈秘聞，女主角徐子珊人氣高企，說到角色演繹，子珊坦言又愛又恨。

「我都知好多人講部劇，其實我對個角色又愛又恨，由十幾歲演到六十幾歲，係一段好長的心路歷程，入行只得幾年，覺得自己未係時候，如果有多兩年貨仔會好啲，不過，你永遠唔知幾時先係�Timing。好似拍《錦衣衛》咁，導演李仁港要求好高，令我好大壓力，自問好難同內地演員fight，心諗：點解搵我？又會諗，佢搵我已好好！所以用心去演，成部戲得廿句對白，八成時間要打，可能我有舞蹈底，打起上似模似樣。」

仲未Ready唱歌

徐子珊熱愛跳舞，選擇以勁歌熱舞闖樂壇，是一項挑戰，要知道，跳舞唱歌要同時兼顧，絕非易事，黎明、陳慧琳便是成功例子，我相信，這股跳舞音樂潮流將會從回主流之列。

「我四歲開始學跳舞，係我生命一部份，但唱歌唔同，個口同把聲仲未協調到，其實我仲未Ready，未開始鍾意同Enjoy到唱歌，入行好幾年，你幾時聽到徐子珊話唱歌？你有幾時聽過我唱主題曲？舊年年尾樂小姐打嚟：『喂，子珊，幫你出碟呀，出碟呀，出唔出？』我嚟緊車，好愕然，淨係識答：『啊！好呀！』Day 1開始都唔知自己做緊乜？點知自己鍾唔鍾意？依家跟老師學唱歌，學識運氣對演戲亦有好大幫助，我知大部份人係想睇我跳乜，徐子珊上台喎。」

視Musical為目標

別單說是歌手，即使是導演、音樂製作人，大家最想做的一定是Musical（歌舞劇），音樂加演戲，好玩又吸引，陳可辛的《如果‧愛》也是以此為藍本，誰知出來變成一部愛情電影，音樂比重相對地輕。

「我係想演一部好似《雪狼湖》的Musical，可以唱歌跳舞，我目標唔係要企上紅館開演唱會，而係舞台，可以演有故事的。老實講，我幾 Enjoy新人巡禮個Show，?班Dancer陪我跳咗好耐，大家經歷好多。2010年上半年都要拍劇，亦會出第二張唱片。其實我從來唔會幫自己 Plan任何事，子珊唔係想像中咁有野心，Plan都無用，自然有人幫我Plan好，我只要跟住條路行就得，就好似Day 1開始無諗過入行，然後第二年就有機會拍杜Sir嘅戲，發夢都無諗過，杜Sir喎，點都好，用盡力去做好，我都知個底未必好穩陣，但我會用其他嘢去補救。」

Paco　徐子珊

※選美出身的徐子珊，拍劇集成為電視台姐仔；進軍影壇，演技亦得到認同；近期更勇闖樂壇，勁歌熱舞，橫掃各大頒獎禮新人獎，前途無可限量。

※子珊四歲開始學跳舞，所以大家看到她在台上熱舞多麼揮灑自如，但她坦言仍未掌握到唱歌技巧。

※子珊主演的電視劇集《美麗高解像》，揭盡娛樂圈秘聞，近日更成為城中熱話。