徐淑敏餵奶感動到喊 劉倩婷風騷︰我真材實料

徐淑敏餵奶感動到喊

徐淑敏(Suki)於本月十五日剖腹誕下女兒Vianna,老公Kenny不惜陪太太入住醫院,實行貼身照顧老婆及囡囡。對於誕下女兒,Suki直言開心,問她第一次見到BB有冇感動到喊?「冇,不過,我餵BB嘅時候,覺得好親密,就有感動到喊!BB笑嘅時候好得意,好似卡通太陽咁!」徐淑敏初次餵人奶,表示初期都要以奶粉輔助,依家BB可以只吃人奶都夠飽。

Kenny希望Suki生多個仔,徐淑敏直言都想,但一切隨緣,不會給自己特別大的壓力。Kenny指Suki康復情況良好,胃口亦不俗,連焗豬扒飯、一大碗湯都可以食得晒。據悉,Suki今次入院連埋醫生費用約六位數字。

徐淑敏與老公及囡囡一家三口,十分幸福。
徐淑敏與老公及囡囡一家三口,十分幸福。

劉倩婷風騷︰我真材實料

應屆港姐三甲劉倩婷、李姿敏和熊穎詩,昨日聯同「師姐」張嘉兒及其他無綫女藝人出席活動。劉倩婷以性感谷胸宮廷裝示人,「胸贏」其他女星,曾被指隆胸的她,自言身材是真材實料!

應屆港姐劉倩婷、李姿敏、熊穎詩、袁嘉敏和黃嘉麗,昨日聯同「師姐」張嘉兒、07年國際中華小姐季軍陳爽、無綫女藝員陳自瑤、李綺雯及何綺雲,分別以西式、中式、日韓、印度及泰國傳統服飾出席「2010香港花卉展覽攝影比賽」,大鬥性感。

昨日氣溫回升,但袁嘉敏和李綺雯要由頭包到落腳,令身材變得毫無睇頭,反而劉倩婷成為全場最性感女星,她以「維多利亞」谷胸宮廷服,「胸贏」師姐張嘉兒的唐朝低胸服飾,而劉倩婷受訪時一臉風騷,她說:「條裙係公司揀,着呢條裙要紮腰,(谷胸?)紮咗腰自然會Push(指谷胸),但我係真材實料嘅。」

陳爽(左)及陳自瑤以較密實的打扮亮相花卉活動。
陳爽(左)及陳自瑤以較密實的打扮亮相花卉活動。

熊穎詩以高貴形象現身。
熊穎詩以高貴形象現身。


大合照時,穿低胸裝的張嘉兒只是靠邊站。
大合照時,穿低胸裝的張嘉兒只是靠邊站。

唔覺公司亂

問到有否慰問陳志雲?她說:「冇機會見到佢,亦冇佢電話,冇得問候。(公司亂?)唔覺得,樣樣都安排得好好,做番香港小姐嘅嘢。」家人開設茶餐廳的劉倩婷,被問到有否送茶餐廳券?她笑稱:「我啲茶餐都係40元,成日叫人嚟幫襯,個個都叫。」

而張嘉兒則首度以古裝造型出席活動,她說:「幾滿意,可以拍古裝劇。(低胸好清爽?)打咗底。(有冇送禮畀高層?)冇,最多送個SMS問候經理人。」


陳爽冇分黨

至於陳爽被問到無綫分黨派,她說:「吓?係咩?如果係分黨派,我係中華小姐嗰堆。」

劉倩婷以谷胸宮廷裝亮相活動,性感程度冠絕全場。
劉倩婷以谷胸宮廷裝亮相活動,性感程度冠絕全場。