志雲低調　六嬸冷靜
阿姐開城陰霾未散

阿姐對自己主持的《荃加福祿壽》作無綫開城頭炮感到高興。

【志雲難局之禁地解封】
無綫封城 9日終於在昨日解封，安排汪明荃主持的《荃加福祿壽》作開城頭炮。對於涉貪污被捕的陳志雲日前召開記者會，阿姐說：「佢出返嚟都好啲，可以面對件事！」至於六嬸好友向華強太太陳嵐，昨日則透露方小姐心情未有受影響。

無綫自業務總經理陳志雲本月 11日涉嫌貪污被捕翌日（ 12日），即以「非常時期」為由實施「封城」行動，至昨日封城 9日後終於解封，安排阿姐汪明荃、王祖藍、李思捷和阮兆祥主持、本周六推出的扮嘢節目《荃加福祿壽》拜神儀式作解封頭炮。就記者所見，無綫解封後情況一如過往，但眾藝員似乎陰霾未散，依然就志雲事件議論紛紛。

方逸華心情好平靜

方逸華（右）昨日到靈堂鞠躬，心情未受陳志雲涉貪污事件影響。

對於新節目獲選為開城頭炮，阿姐揚言感到高興，問可覺凸顯自己在無綫地位時，阿姐說：「唔係！咁我哋嘅節目係大 show嘛！」問對陳志雲涉貪污的睇法時，阿姐說：「佢出返嚟都好啲，我之前喺北京睇到新聞都好驚訝，冇聯絡佢，真定假都唔知。」昨日鄭欣宜也有份出席活動，對有傳肥姐過身後，欣宜讓肥姐好友揀選母親遺物留念，但有高層貪得無厭，欣宜否認。
陳志雲昨晚 8時許獨自乘的士離開亞皆老街寓所，擺脫傳媒追訪。至於方逸華昨午則現身紅磡世界殯儀館，到向華強母親靈堂致祭，向華強太太陳嵐昨晚在靈堂外接受記者訪問，記者問方逸華心情可受陳志雲涉貪污案影響時，向太說：「冇！知佢今日送花牌嚟，本來想打俾佢，但又怕佢心情唔好冇打到，但今日見佢又冇嘢。」

匿名短訊揭告密者

陳志雲昨晚再度外出，但未見其律師鄧耀榮陪同左右。

此外，昨日不少傳媒接獲匿名短訊，指一名娛樂圈經理人跟陳志雲私人助理叢培崑生意上有衝突，所以向廉署作出舉報。
採訪、攝影：王崇穎、溫敏芝

林海峰玩完志雲耍太極

林海峰昨日封口不敢再提惡搞陳志雲一事，莫非怕被志雲好友商台揸 fit人俞琤責怪？

林海峰日前在商台節目《在晴朗的一天出發》中，喪玩陳志雲記者會的世紀演說，將陳志雲的句子重新剪接，昨日他出席長沙灣體育館舉行的「腦神經關注周 2010」活動，被問到喪玩陳志雲一事時，林海峰即顯得有點避忌說：「剪接唔係我搞 o架，不過都多謝大家提我嘅節目！今日唔講喇。」可擔心陳志雲嬲怒？林海峰繼續大耍太極說：「我哋嘅節目今日都轉咗話題喇，日日都會有新嘅題目，總之唔講呢個話題喇。」
此外，林海峰指母親早年因中風半身不遂，至近年母親已懂得自己照顧自己。
採訪、攝影：王崇穎

全城熱話︰敵友分明

就陳志雲、錢國偉等涉貪案，昨日不少圈中人仍議論紛紛。

岑潔儀
「錢國偉覆我話好好，唔使擔心，不過佢話認清邊啲係朋友，邊啲唔係。我就當然支持佢。」

柑桔陳蕊蕊
「 Wilson（錢國偉）覆我話 OK冇事，暫時都唔會約佢出嚟食飯。我哋以前會成班出嚟食飯，但絕對冇外傳咩嘅兩萬蚊食飯價，亦從來冇人同我哋講有呢啲飯局。」

白韻琴
「佢（陳志雲）好聰明，乜都食盡，唔好睇小佢生存能力。佢絕頂聰明，唯一缺點被身邊啲仔仔累。」

藍奕邦
「我冇陳生電話，其實我見佢嘅真身都不出 5次，所以唔明點解俾人話係愛將。」