袁嘉敏願望財色兼收
應屆港姐最上鏡小姐袁嘉敏（Candy）雖然已經二十四歲，但竟然全無戀愛經驗，難怪她想早日找個理想對象，她說：「我真係好想可以帶個男朋友返屋企同家人食飯！」
袁嘉敏向讀者拜年，祝福大家年年有餘！
Candy的哥哥跟妹妹都已經各有一個穩定的另一半，每次全家人吃飯時都是一雙一對，就只有她一個形單影隻，因此她很想有男朋友相伴，問她可有叫好友吳君如介紹男生給她認識，她笑說：「可能我同君如嘅睇法會好唔同，佢應該會鍾意啲搞笑啲嘅人，我就鍾意啲比較有藝術氣息嘅人，最好係睇得多戲，可以同我交流吓。」
原來堪輿學家蘇民峰曾經批過Candy可能到四十歲才會結婚，又指她的事業線很長很直，最適合當女強人，而且可能一世都要靠自己，她說：「其實我自己唔想係咁，因為我阿爸、阿媽都遲婚，我好驚遲婚可能會同啲仔女有代溝！」
今年新年Candy會跟蘇民峰及其他藝人拍攝一個有關虎年運程的節目，在節目中，Candy變身蘇民峰的其中一個學生，她說：「喺套劇入面我會係一個比較迷信同八卦嘅人，自己都好少做戲，希望到時可以練吓演技！」
恨嫁何傲兒徵求「筍盤」
無綫小花何傲兒（Lily）今年情人節沒有情人相伴，而今年二十一歲的她亦從未拍過拖，她希望有人可以介紹「筍盤」給她！由於Lily以前就讀女校，因此很少機會認識男生，她說：「以前有時都會同男校一齊搞活動乘機識吓男仔，曾經有個男仔喺情人節送玫瑰花畀我，亦都有人試過織頸巾畀我，不過最後都因為唔係太鍾意而冇喺埋一齊。」她表示入行後有很多機會認識新朋友，但有發展機會的並不多，故此現在仍未遇到心儀的對象。
Lily解作百合花的意思，不知是否因為這個原因，她亦特別喜愛百合花。
望三十歲前結婚
Lily來自小康之家，從小父母便對她寵愛有加，所以她亦希望將來可以結婚生子，組織幸福的家庭：「我希望結咗婚之後都可以有自己嘅事業，好似楊婉儀咁，我覺得佢好厲害，家庭同事業都處理得好好，希望將來都可以好似佢咁，最好可以喺三十歲左右完成呢個願望！」
今年情人節，Lily跟家人度過，原來她的爸爸是個很浪漫的人，每年情人節都會買一紮紅玫瑰放在家中大廳給她的媽媽，羨煞旁人。而Lily讀中學時亦愛在情人節親自製作小禮物送給身邊的女性友人，增添節日氣氛。
髮型：II@Willie
服裝：bread n butter
場地：中西花店
