愛難留 陳敏之

愛難留 陳敏之

Profile

原名:陳敏之

洋名:Sharon

出生日期:1979年1月17日

入行經過:94年開始當模特兒,00年被發掘成為日本樂壇教父小室哲哉徒弟之一,在樂壇發展;01年加入無綫至今。

曾拍劇集: 《原來愛上賊》、《鐵嘴銀牙》、《強劍》、《飛短留長父子兵》、《覆雨翻雲》、《胭脂水粉》等廿多套

兩線台慶劇,出動半數小生花旦前輩台柱。

有份演出其中一劇《富貴門》的陳敏之,加入無綫八年,每年都有劇拍,機會一直有,但只差一個叫人刻骨銘心角色。反而N年前「小室哲哉徒弟」身份,及前男友楊明,總是記憶猶新。

今趟在《富貴門》飾演銀行高層許紹雄女兒戴亦欣,都會易記一點,只因周旋三位男角羅嘉良、馬國明及王浩信當中。「我都估唔到有咁多仔仔,但好彩唔係講我好似水性楊花咁,每段感情都係認真嘅!接嗰時知道要同撈家(羅嘉良)一齊,我就知一定有嘢學,況且我哋仲有好多場咀戲,裏裏外外都要好投入,佢真係教我好多嘢。

「講真,拍時我真係好冧佢,對佢真係有愛。如果唔係咁,拍時我又認真唔到。拍完之後真係抽離唔到,真係唔捨得佢。(咁點算?)我有一個方法,通常我拍完一套劇,就盡量唔約佢哋,盡量唔出席佢哋啲gathering,唔見唔搵、唔傾電話,好快就對嗰個人冇晒感情。到套劇要做宣傳都已經係幾個月後嘅事啦,到時就乜事都冇,好似家見番撈家,我又係當佢阿哥咁囉!」

女仔對待感情,原來可以比男人更絕。