感激樂小姐擺平「抽水劫」 馬德鐘回歸TVB

馬德鐘(Joe)雖已轉投跟王維基有關連的創藝製作公司,但近日仍開行turbo,在大熱天時穿上厚厚飛虎裝在街頭拍攝爆破場面,為即將播放的無綫新劇《飛虎》做宣傳,真夠博!據知,馬德鐘還跟無綫洽談拍劇事宜,今年有機會重返拍劇,除報知遇之恩外,亦感激高層樂易玲出手擺平橫店事件。採訪:方騫平 攝影:徐錦池

馬德鐘太太張筱蘭年前曾在微博以「江你」名字發表文章,力斥無綫對藝人過份刻薄,而且更用「樂大媽」來稱呼及批評無綫高層樂易玲,今年初馬德鐘更做叛將離開效力了18年的無綫。不過,樂小姐仍然疼錫馬德鐘,早前便出手擺平橫店事件。近年無綫鬧小生荒,樂易玲叫到,Joe都有意思重返作戰。

回TVB誓攞獎

被問到是否食王維基和無綫兩家茶禮時?德鐘即解釋說:「我係簽創藝經理人約,唔算簽死王維基的公司,新公司主攻內地市場,但都歡迎每家電視台畀劇本我揀。我同樂小姐關係好好,係恩人兼好朋友,但拍劇問題仲係洽談中,當然係有興趣嘅,始終無綫都有好多感情分,一切交畀經理人公司決定(橫店事件要還人情債?)傾談中啫,仲要睇其他配合。」不過,他坦言在無綫多年,唯一感遺憾是攞唔到獎,難以向粉絲交代。

被網民稱為「馬神」的馬德鐘將有機會重返TVB。
被網民稱為「馬神」的Joe將有機會重返TVB。

偷得浮生

長期逗留內地拍劇,為了購置精神食糧解悶,Joe日前抽空到HMV揀DVD,只見他對西片特別有興趣,最後揀了一大袋DVD離開。


本文鏈接:感激樂小姐擺平「抽水劫」 馬德鐘回歸TVB