拍劇趕收爐各自精采 蒙嘉慧喊甩褲嘉穎單飛過年

拍劇趕收爐各自精采
馮仁昭四圍超:蒙嘉慧喊甩褲嘉穎單飛過年

苹果

蒙嘉慧同鄭嘉穎拍一場目擊好朋友俾車撞死嘅戲,蒙嘉慧喊到露晒股罅都唔知。

蒙嘉慧同鄭嘉穎拍一場目擊好朋友俾車撞死嘅戲,蒙嘉慧喊到露晒股罅都唔知。

佘詩曼同鄭嘉穎甩拖後緋聞繼續精采,近日又傳阿佘同陳豪撻着,鄭嘉穎惟有默默開工,噚日同蒙嘉慧喺西貢拍攝無綫劇集《 Only You》一場汽車爆炸場面,火燄冲天,鄭嘉穎同蒙嘉慧要面對戲中好友黎諾懿同姚子羚俾車撞死,喺鏡頭前呼天搶地,蒙嘉慧仲喊到露晒股罅都唔得閒理,好鬼逼真。
原來套劇都就快收爐,個個都趕住過農曆年、情人節,可能為免孤伶伶,嘉穎一早計劃好離港度歲,情人節仲要趕坐飛機去見家人,嘉穎話:「我拍埋套劇會先去多倫多,年三十晚登台,初一會坐飛機去拉斯維加斯見屋企人,之後會繼續去洛杉磯做嘢,今個新年好充實。」

噚日喺西貢拍嗰場外景,講架車先撞倒姚子羚(箭嘴示),之後就發生爆炸,火燄冲天車毀人亡。

噚日喺西貢拍嗰場外景,講架車先撞倒姚子羚(箭嘴示),之後就發生爆炸,火燄冲天車毀人亡。

嘉穎呻冇情人

噚日拍嗰場黎諾懿同姚子羚俾車撞死嘅戲之前,成班藝員圍埋吹水。

噚日拍嗰場黎諾懿同姚子羚俾車撞死嘅戲之前,成班藝員圍埋吹水。

所謂工作得意情場失意,嘉穎話:「我好明顯冇情人啦,但唔到我揀,有一樣已經好好。」嘉穎又話唔信阿佘同陳豪拍拖,笑笑口話:「唔使太在意,冇病嘛,唔會問佢哋,傳實有,但奇怪在今套劇我都冇同蒙嘉慧傳緋聞。」
相反同男友感情穩定嘅蒙嘉慧就唔使憂,情人節屋企人行先,又會同大班朋友打邊爐,仲話:「可以成班人食嘢男朋友會開心過我,要二人世界隨時都可以。」