朱璇半鹹淡廣東話放笑彈

娛圈又多一個「嗲死人」！失落金像獎「最佳新演員」嘅朱璇，性格親切可愛，年僅21歲嘅佢講說話時雙眼笑瞇瞇咁，再加上廣東話唔鹹唔淡，電力十足！但朱璇嗰啲唔鹹唔淡嘅廣東話好似「教我好多嘢」，講成「膠我好多嘢」；「好錫我」講成「好食我」令人笑爆嘴。但佢唔介意，仲傻更更陪人哋笑。
 

鄧萃雯想學阿姐60歲出嫁

鄧萃雯已經有好幾年冇拍拖，所以近年嘅情人節都有個習慣，就係主動要求喺嗰日拍佢嘅戲份，因為佢曾經聽過啲同事猛咁度期放假，既然自己冇着落咪想成人之美，等其他人可以唔使開工囉！但雯女相信咁會累積到福氣，將來自己必有着落，仲話視汪明荃為目標，佢覺得阿姐60歲至結婚，好鬼有型！