李思欣虎年多桃花
無綫女藝員李思欣在牛年忙個不停，虎年大年初一至初三有個短暫假期，她說要好好把握。思欣說：「我屋企習慣初一去阿爸嗰邊啲親戚度拜年，初二就輪到媽咪嗰邊，之後就一家人去睇煙花，因為舅父屋企有好靚維港煙花景，所以睇煙花變成我哋每年初二嘅拜年節目。」
今年度過單身情人節的思欣說：「我知下一個大年初一兼情人節係38年之後，咁都好，我有咁長時間去等下一個難忘情人節出現，我諗一定OK！有朋友幫我睇過紫微斗數，佢話我虎年有超多桃花，聽到好開心，因為做藝人好需要桃花！」
髮型：Tim @ IL Colpo
場地：觀塘apm
陳爽不理真假恨要桃花
陳爽、朱璇、苟芸慧分別是○七、○八、○九年的「國際中華小姐」，大師姐陳爽對師妹照顧有加，因做風水節目令她滿口風水命理，見到苟姑娘、朱璇便贈兩句，陳爽謂早在家擺好風水陣：「師傅話我今年只得假桃花，好過冇吖，不過我都喺屋企擺咗啲水，最緊要旺財。」
朱璇年初一要在工作中度過，現時沒有情人未感失望，反而覺與一班人過節有新鮮感；至於苟姑娘當選華姐剛好一年，覺得這年過得特別快，所以也急急定下目標，培養自己的氣質。
攝影：司徒國榮
場地：Misto Restaurent
髮型：Patrick So@HH（陳爽）
