爆炸堂：林嘉華接蕭亮棒做攝石人

小小So知道以前無綫嘅「攝石人」係蕭亮，但估唔到原來「攝石人」都有接班人，佢就係由加拿大回流返香港嘅無綫藝人林嘉華。最近小小So就收到風，無綫近排有個新「攝石人」，無論去到邊都把握機會上鏡，而呢個傳聞亦傳遍成個電視城，於是小小So就走去八吓，原來傳聞中嘅正是著名演員林嘉華。起初小小So都有啲愕然，但喺電視劇嘅拜神儀式就發現真有其事，當日一眾演員都有份出席，好似米雪姐同滕麗名，記者自不然搵米雪同阿滕影相，但林嘉華就冇放過任何一個影相機會，本來只係女人嘅合照，但他一於少理影埋一份，令在場記者冇晒符。

小小So見到當日嘅情況，梗係第一時間問吓收風嘅朋友，原來林嘉華已被喻為新一代「攝石人」。米雪喺《五味人生》扮少女已經好出位，但小小So估唔到林嘉華天真無邪嘅行為仲勁過「少女米雪」，真係令人措手不及。

忍痛即晚開工

新春佳節痛失尹佬的米雪，一直寄情工作。正為無綫新劇《女人最痛》開工的她，前晚本應在晚上八時許收工，但因場口調動，令收工時間延至凌晨三時！不過，米雪在拍攝過程中面不改容，並於前晚向監製林志華申請，將原本昨午二時開工的通告，延至晚上七時，抽時間完成摯愛的火葬儀式，並即晚再投入拍攝《女》劇。監製稱米雪從未甩期，指她想盡量開工，所以劇組亦作配合，前晚延遲收工主要是因場口調動，並非她拍攝時NG。

米雪由傭人攙扶離開，並於場外清潔雙手。

放大圖片

完成所有儀式後，米雪昨晚匆匆開工，但未有會見傳媒。資料圖片