林峯未認同自己攞獎
計劃喺 7月再度喺紅館舉行演唱會嘅林峯,噚日接受商台訪問,最近林峯忙住拍戲拍劇,完成手頭上工作就專心錄國語碟同排練演唱會。
林峯自爆喺屋企房中有個放獎嘅架,但一直都唔敢將之前嘅「亞太區最受歡迎香港男歌星」同「 IFPI最高銷量男歌手」呢兩個獎放上去,因為佢想自己再獲多啲認同,先正式喺盒中解封兩個獎放上架度。
林峯工作狂拒女埋身
林峯昨日接受查小欣電台節目訪問,他透露早前同一時間內拍攝兩套電影及一套電視劇,令他忙得不可開交,主持問他沒時間拍拖豈不是很Dry?林峯說:「都幾驚o架,遇到好女仔都唔敢踏出第一步,明知自己冇時間就唔好累人!」林峯坦言這些年來錯過很多好女仔,他無奈表示:「可以忍受到我時間真係好難!」
剛在年初奪得「亞太區最受歡迎男歌星」的林峯,被主持問到會否視年尾「最受歡迎男歌星」為目標兼與古巨基拗手瓜?林峯聞言反應甚大:「我尋日做嘢都撞到基仔,大家合作得好開心……我唔係好鍾意同人爭嘢嘅人!」