梁政珏追潮流早露峰芒
於《美麗高解像》飾演「毒星」的梁政珏近日成功入屋，但她自信地說：「唔係今日先有人留意。」狂騷34C咪咪的她更謂性感是潮流，又大談不正確的厭食減壓經驗，言論出位。
無綫小花梁政珏憑《美麗高解像》的濫藥明星一角而為人熟悉，但她卻認為早已受注視：「入藝訓班已經受注目，唔係今日先有人留意，喺《同事三分親》做May May，徐遇安監製睇到呢套劇之後就開始重用我。」
梁政珏不介意性感演出，但她認為不可以永遠行性感。
梁政珏（左一）於《美麗高解像》水着上陣。
蔡淇俊：「我同佢合作《同事三分親》嘅時候，佢應該啱啱喺訓練班出嚟，都比較新，但係我見佢好勤力，highlight晒啲劇本，做晒功課。」
官恩娜：「同佢試過一齊上《獎門人》，私底下就唔係好熟，但印象中佢係一個身材好好嘅女仔。」
其34C身材自08年的《獎門人》後備受注目，近月以泳衣上陣拍新片的她不介意性感：「潮流興性感，但唔會永遠係咁，觀眾好快唔記得。」她亦有性感底線：「上身比堅尼就得，下身一定要遮住，好易走光，好赤裸嘅感覺。」而行性感的她卻批模賣肉：「未到乞人憎嘅地步，但有賣肉感覺。」
曾被批評自製緋聞的梁政珏坦言曾為此落淚，現在卻處之泰然：「無論係幕前定幕後，都要搵個位企，我鍾意睇哲學書，所以睇得開，唔介意負面新聞。」藝人有無形的壓力，她後悔曾以不當方法處理：「入行後試過厭食，依家就會同朋友傾偈、行街減壓。」
為做成功藝人，她把握機會及勤練眼神：「專業藝人唔應該介意接咩工作，要把握每一個機會，而做戲眼神最緊要，可以處理好多角色。」
文：專案組 攝：劉智源
髮型：Daniel Chang@Chin G
場地：Gemini
性感小野貓
現年廿四歲的鄭融出道短短六年，○六年她以一首《紅綠燈》唱到街知巷聞，在各頒獎禮獲獎人氣急升。而鄭融不時以性感勁歌熱舞做賣點，嬌小玲瓏的小野貓形象，令人留下深刻印象。
港版BoA：
鄭融畢業後加入模特兒公司，之後被唱片公司睇中，出道時有「港版BoA」之稱。
○五年露背拍攝修身產品廣告，展露白滑靚背和蛇腰，十分性感。
○九年擔任Lady GaGa澳門演唱會嘉賓，以性感Bra Top又唱又跳，熱爆全場。
○四年拍下超激寫真，表達釋放夢想的性感小野貓。
