「新一代咪神」梁政珏霎眼峰情 陳爽情迷芝士薄餅

「新一代咪神」梁政珏霎眼峰情

無綫新紮小花梁政珏(Jeanette),憑電視劇《美麗高解像》及賀歲片《72家租客》的水着Look搶盡「峰」頭,成為「新一代咪神」,但Jeanette坦言不會計劃未來,只着眼現在,隨遇而安。

經常在劇集中飾演柔弱角色的無綫新紮小花Jeanette,近期在影視圈搶盡「峰」頭,繼早前在劇集《美麗高解像》中露肉飾演「毒友」後,又在賀歲片《72家租客》以水着示人,升呢做「新一代咪神」。

酷愛演戲的梁政珏坦言,若時光倒流,同樣會選擇當藝人。
酷愛演戲的梁政珏坦言,若時光倒流,同樣會選擇當藝人。

自小表演欲強的梁政珏,竟然模仿《新紥師兄》的偉仔而非曼玉,認真另類。
自小表演欲強的梁政珏,竟然模仿《新紥師兄》的偉仔而非曼玉,認真另類。


捨易行難

對於外界聚焦在其性感演出,Jeanette說:「其實我冇刻意要走性感路線,只不過係角色需要先性感演出!好似我喺《同事三分親》入面嘅角色都唔使性感,但係好多觀眾都因為呢套劇認識我,有啲監製仲以為我真人就係好似個角色咁,到識落至知唔係,所以我覺得自己都算演得稱職。」她又透露小時候已甚具表演欲:「我試過睇住《新紥師兄》跟住扮,不過唔係扮張曼玉,而係扮梁朝偉!」

高海寧(左)與梁政珏在《72家租客》中鬥性感,受惠的當然是觀眾。
高海寧(左)與梁政珏在《72家租客》中鬥性感,受惠的當然是觀眾。

梁政珏在《同事三分親》中飾演蔡淇俊女友,角色純過蒸餾水。(資料圖片)
梁政珏在《同事三分親》中飾演蔡淇俊女友,角色純過蒸餾水。(資料圖片)

Jeanette表示入行經過其實亦是「棄曼玉、取偉仔」:「當初喺美國讀完Fashion,雖然喺嗰邊搵工易同福利好,但係唔想咁就一世,反正自己表演欲咁強,又鍾意扮靚,所以想試吓做演員。曾經諗過選港姐入行,不過因為唔想喺咁多人面前着泳衣,所以去咗讀訓練班,不過讀完訓練班先發現,原來一樣要着泳衣!」


着眼現在

漸漸體會到娛樂圈「變幻無常」的她,尚未計劃未來的發展藍圖:「我有諗過係咪應該定個目標,但係我從來都唔會計劃未來,我鍾意隨遇而安,既然呢一刻我仲好鍾意演戲,就應該注重點樣演好個角色先,其他嘢遲一步再諗。」

梁政珏因性感而人氣急升,被封為「新一代咪神」。
梁政珏因性感而人氣急升,被封為「新一代咪神」。

胸軍搶灘

除了梁政珏外,娛樂圈近期湧現了一批「新咪神」,位位「胸」群而出,大騷本錢搶灘!
苟芸慧

09年國際中華小姐冠軍、有「翻版林熙蕾」之稱的苟芸慧,樣子甜美,加上近期初露「峰」芒,前途無限。


放大圖片


放大圖片



放大圖片

高海寧

雖然贏得08年香港小姐「旅遊大使獎」,但高海寧一直被無綫投閒置散,及至改行性感才成為傳媒焦點,比同屆港姐三甲更具叫座力。


Jessica C.

憑「警鐘胸」成名的Jessica C.,經常以性感內衣行騷及拍廣告,豪邁兼唔錫身的性格,備受品牌及傳媒歡迎。

梁政珏
梁政珏

陳爽情迷芝士薄餅

曾在多倫多讀大學的07年《華裔小姐》季軍陳爽,五年的讀書生涯令她學懂獨立,由家中的女王淪為家務助理,煮飯、洗衫、打掃一腳踢,她解釋:「我係哈爾濱人,因為係獨女,自細爸爸媽媽都好錫我,去加拿大之前乜都唔使做,之後就要自己照顧自己,仲學識煮西餐。」

在《女王辦公室》中飾演慳家主婦的陳爽,在加拿大讀書時亦非常知慳識儉,慶祝節日才會相約朋友出外食意大利菜,芝士加番茄薄餅便是她的至愛之選:「以前好窮o架!多數去食漢堡包、薯條當一餐,如果有同學生日或聖誕節,大家就會約埋出街食嘢,我最鍾意食Pizza,尤其鋪滿番茄同芝士嘅薄批Pizza,非常脆口。」陳爽對煮西餐亦略有心得,她說:「我覺得西餐比中菜容易煮得多,最重要係揀件肉質靚嘅牛扒,加幾粒鹽醃吓再煎已經好好味。」

陳爽對煮西餐略有心得,也比較喜歡吃西餐。
陳爽對煮西餐略有心得,也比較喜歡吃西餐。

燒焗豬肋骨<br>陳爽:「用美國BBQ醬汁做醃料,聽大廚講要燴足四個鐘,難怪會咁腍。」
燒焗豬肋骨
陳爽:「用美國BBQ醬汁做醃料,聽大廚講要燴足四個鐘,難怪會咁腍。」

Apple Mint<br>陳爽:「Apple Mint用咗蘋果同檸檬汁Mix成,酸酸哋增加食欲。」
Apple Mint
陳爽:「Apple Mint用咗蘋果同檸檬汁Mix成,酸酸哋增加食欲。」

拿着大大串牛肉串燒的陳爽,十分雀躍。
拿着大大串牛肉串燒的陳爽,十分雀躍。

三大至愛菜式

陳爽經常拍攝飲食節目,雖然食盡各地美食,但對意大利菜仍情有獨鍾,以下是她的三大至愛:
野火特色牛肉串燒

陳爽:「嘩!見到啲牛肉串燒已經想咬落去,仲有酒葉包飯做伴碟,食落帶少許酒香。」

鮮帶子配橄欖番茄汁扁意粉
鮮帶子配橄欖番茄汁扁意粉

意式水牛芝士薄餅
意式水牛芝士薄餅


鮮帶子配橄欖番茄汁扁意粉

陳爽:「美國帶子特別大隻,煮完之後肉汁仲鎖住喺帶子入面,好鮮味。」


意式水牛芝士薄餅

陳爽:「呢款Pizza啲皮夠晒薄,加上番茄汁係自家炮製,口感與別不同。」

野火特色牛肉串燒
野火特色牛肉串燒