楊思琦美國探親遇地震

楊思琦跟男友李泳豪、何超儀（Josie）前晚觀賞《2010共同渡過》舞台劇。思琦表示自己早前到美國探哥哥，更要幫忙照顧他的子女。而她在當地亦經歷了兩、三次輕微地震，對於青海發生的災難，她表示會盡力幫忙。另Josie的新片《維多利亞壹號》即將上映，她近日正忙於通知好友出席首映，更因狂打電話引致聲沙，她將於今日客串該齣舞台劇，故擔心會因聲沙而影響表現。

廖碧兒闔家歡連環Tea

廖碧兒早前被發現撇低緋聞男友陳豪，與家人現身中環歎茶，期間母愛氾濫的碧兒，更不時逗家姐三個月大的小B女玩，可惜因小B女太疲倦，玩兩玩就在碧兒姐夫懷中睡着，午膳過後一行數人又轉戰咖啡店，研究買BB車的事宜。

碧兒飲完中茶冇耐，又轉戰coffee shop。

事後致電碧兒，她表示好耐未與家人飲茶，她說：「之前家姐生完BB要坐月，而且B女又太細，唔可以亂咁帶佢出街，依家三個月大，我又啱啱做完嘢得閒，於是下午約家人飲茶，雖然姐夫係外籍人士，不過佢好鍾意食中國點心，所以咪一家人去飲茶。（見你好似母愛氾濫？）玩人哋嘅就得，自己未有心理準備生小朋友。」

廖碧兒與家人邊行邊傾，感情融洽。

李思欣白色世界貓為伴

無綫女藝人李思欣鍾情白色，家中不論電腦、電視、床單、攬枕……營造出一個白雪雪的世界。

貓仔Didi遇到陌生人會睥實對方，思欣笑牠似狗多過似貓。

思欣說：「我好鍾意白色，屋企嘅電視、Mac機，MacBook，全部都襯晒白色，我用Mac機其實都唔止機身白色呢個原因，最主要係因為我鍾意睇相同執相，Mac機比普通機好，所以我一開始就用Mac機。」

思欣雖鍾情白色，但家中貓仔卻並非白貓，她說：「貓仔Didi養咗年幾，養佢有段古，我之前養過一隻貓女Mimi七年，後來佢腎衰竭死咗，我好傷心，曾經諗過唔再養。有日喺寵物店見到Didi，覺得佢同Mimi好似樣，諗深一層覺得與其刻意唔再養貓，Didi都一樣有佢嘅壽命，倒不如好好咁照顧佢，結果就買咗佢，睇落睇落，又發覺佢唔似Mimi。」

思欣表示白雪雪的睡房，是她辛苦拍劇後充電休息的理想地。

李思欣鍾情Mac機，為應付出trip需要，特意添置MacBook隨身。

茍芸慧賣奶笑爆嘴

「華裔小姐」出身的苟芸慧，在無綫節目《千奇百趣》，將廣東話「賣懶賣懶賣到年三十晚」之急口令，讀成「賣奶賣奶賣到年三十晚」，而爆笑當場，而另一嘉賓江欣燕在答問題因為太過無知而被拳頭揪中，江在毫無防備之下中拳，搞到鼻頭紅腫了，席上的農夫，因為不忍江受罰，所以頂硬上去互啜，嘉賓的反應趣怪，令節目於過去一周收視理想。

苟芸慧（左起）、陳爽、金剛被急口令考起，爆笑當場。

苟芸慧因從外國返港，講慣英文的她廣東話不太靈光，當她與陳爽及金剛接受主持人森美的廣東話急口令考驗時，即被考起，甚至將說話講到如色情笑話般，令到主持都擔心節目會被投訴，不過，《千》主要玩讀字，森美繼續叫大家講「郵差叔叔送信純熟迅速」，當然考起不少嘉賓，就連台灣來的金剛，亦差點唸成不雅對白。

江欣燕慘被打腫鼻。