楊思琦高舉玩具，愛犬喳喳和懵懵豬都爭着搶。

外表嬌滴滴的楊思琦，演戲遇過不少拍檔，但相信最棘手的莫過於家中的頑皮狗懵懵豬和喳喳，每次帶愛犬做訪問，牠們面對鏡頭表現乖巧，但背後卻是另一回事，尤其是牠們直腸直肚，食完即拉屎，又在思琦的皮靴上撒尿，就算出門前下了禁食令都無效。　撰文：比華利

楊思琦是娛樂圈中數一數二的狗癡，她現在與六隻愛犬同居，雖然愛犬有血緣關係，但牠們仍會爭風呷醋，為了平息當中的風波，思琦表示有時也會叫破喉嚨。
為了保持港姐儀態，思琦訪問當天只帶了八哥狗懵懵豬和喳喳這對父子出來，由於牠們都比較乖巧，合作無間，所以「三婆孫」便是出鏡的最佳拍檔。不過鏡頭前後，這對父子都明顯過度活躍。

父子食完即屙

懵懵豬非常八卦，跟主人坐在窗邊沙發拍照時，不時探頭望街景，反而囝囝喳喳較淡定。

思琦替牠們鬆開狗繩後，兩父子變甩繩狗，四處奔跑，還在沙發上跳來跳去，當思琦整妝準備拍攝，怎知喳喳太興奮，得意忘形的在「思琦嫲嫲」的皮靴上撒尿，情況狼狽，顧得揩抹乾淨，吃得太飽的懵懵豬又在另一邊大解，令思琦手忙腳亂，但她也非常好脾氣，一邊執屎，一邊笑着說：「佢哋直腸直肚，係咁 o架，所以平時我盡量帶佢哋出街前，唔畀佢哋食咁飽。」
狗爸爸懵懵豬和乖仔喳喳有豐富拍攝經驗，加上思琦經常指導，只要一叫牠們的名字，牠們便醒目地面對鏡頭，特別是懵懵豬更額外向思琦撒嬌，成功搶鏡。懵懵豬雖然身為狗爸爸，但玩起至愛的波波，就算囝囝喳喳都冇情講，思琦說：「懵懵豬係好孤寒，佢寧願收埋自己玩，又或者咬住個波唔放，點都唔肯分啲畀喳喳一齊玩，我屋企有個籃球都畀佢哋咬爛，你話佢哋破壞力幾強。」雖然家有六隻破壞王，但有時仍為工作疲累的思琦帶來不少歡樂。

六犬輪流陪瞓

這對狗父子年齡相差歲幾，但牠們身形相若，同樣胖嘟嘟非常可愛，思琦說：「懵懵豬有 20磅，喳喳都成 10磅，抱佢出街，少啲臂力都唔掂。」
思琦表示最愛夜晚有愛犬陪瞓，冬天份外暖洋洋，不過六隻愛犬同床豈非很擠逼，又或會爭寵？思琦說：「我好公平，我好似古代皇帝，每晚會用點燈形式選妃嬪共寢。」

《 Dog File》
名稱：懵懵豬（爸爸）
品種：八哥
性別：雄性
歲數： 7歲

《 Dog File》
名稱：喳喳（囝囝）
品種：八哥
性別：雄性
歲數： 5歲半

八哥不宜跑樓梯

楊思琦對八哥狗情有獨鍾，高峯期她同時間飼養了七隻八哥，但不幸其中一隻早前病逝，現在只剩下六隻，家中依然熱鬧。
思琦表示童年曾在親戚家逗玩過八哥狗後，彼此一見鍾情，搬出外自住後便立即買了八哥狗相伴，繼而愛犬繁殖下一代，讓年紀輕輕的她升呢做「思琦嫲嫲」，三代同堂。楊思琦覺得八哥樣子特別，她說：「佢哋外表好蠢，但其實好熱情嘅，所以真係好抵錫。」

喳喳最愛偷吻嫲嫲楊思琦，甚討她歡心。

楊思琦情有獨鍾八哥犬，高峯期曾養 7隻，更曾接生過四胞胎。

「好傷後腿」

不過八哥四肢較短，足部容易受傷，思琦忠告所有八哥狗主要盡量避免讓愛犬跑樓梯，她說：「始終狗仔行唔慣樓梯，佢哋跳吓跳吓咁樣落樓梯，其實好傷後腿，所以我平時唔畀佢哋行樓梯，會抱起佢哋。」

攝影：黃文成
服裝： Second Me
髮型： Chris Cheng（ IL Colpo）
場地： Good Dog Cafe