Rosemary（左）和楊思琦趕年尾密密出騷，搵錢過肥年。

混血女模 Rosemary昨日連走兩場，中午先在中環示範珠寶，下午就趕到尖沙嘴，與楊思琦齊齊以一身清爽白裙，出席泰國餐廳開幕禮，同場還有黎燕珊。

未諗結婚

黎燕珊捧友人場，她笑稱自己是亞姐代表，剛好和港姐代表楊思琦同場。

楊思琦開心指近期剪綵工作多，進賬不少，她說：「我都好鍾意飲飲食食，希望可以開間餐廳，尤其係甜品屋，因為人食完甜品會好開心。」她謂昨日聽到偶像安琪蓮娜祖莉（ Angelina Jolie）與畢彼特（ Brad Pitt）分手消息，頓感失落，她說：「好可惜，佢哋係金童玉女、完美組合，又有 6個小朋友，點解要分開，最影響係啲小朋友，真係世事幻變。」不過有指畢安情變是英國小報虛構。
問楊思琦與李永豪拍拖多年，何時拉埋？她說：「未諗，就算結婚都要慎重考慮將來嘅仔女問題。」
採訪、攝影： Law Wai Man