楊怡虎年心急搵伴
踏入虎年，楊怡於昨日正式開工，為節目《星級廚房》錄影，向現場記者及工作人員大派利是，喜氣洋洋。阿怡表示：「由年初一開始放，難得年三十晚唔使開工，所以都有出去訂枱同媽咪食飯。（年初一兼情人節點過？）情人節冇出去呀，費事畀人影到冇情人陪！」問到其緋聞男友黎諾懿有否約她時，阿怡坦言：「有呀，新年期間成班朋友上咗嚟我屋企玩。（佢有冇送情人節禮物？）咁老套！就算真係鍾意都唔送啦，講笑啫！」
記者又問到阿怡可希望在明年的情人節有個男朋友相伴？她笑言：「係快嘅希望唔使等到下年啦，今年桃花幾強，遇到都唔拘！」
朱慧敏投入角色冧陳豪
近日有報道指朱慧敏（Queenie）在拍攝《天與地》時在片場色誘陳豪，Queenie為自己大平反，表示該場戲份早於去年十二月拍攝，她認為可能因近日陳豪與佘詩曼的緋聞鬧得熱烘烘，自己才會被捲入風波。
Queenie說：「真係好冤枉，身為一個演員，我只係專心咁演好套劇，唔明點解咁都要畀人屈，喺套劇入面我係扮演一個鍾意陳豪嘅女仔，我只係演好我嘅角色，大家睇完呢啲新聞都係得啖笑，到時套劇出咗大家就會明我只係做好我個角色！」
