母親節專題 徐淑敏、陳琪、汪琳

母親節專題: Suki幸福班戟潤三代

父母最開心莫過於看到子女成家立室,然後開枝散葉。圈中潮媽徐淑敏(Suki)、陳琪和汪琳在今日母親節都有精靈 B女陪同慶祝, Suki三代同堂炮製班戟,溫馨又心甜。 Suki的長女 Vianna才兩歲多,她已為囡囡將來出嫁頭痕, Suki笑言要為女兒擋狂蜂浪蝶,謹慎選婿,看來她未做岳母已狂流口水。 撰文:比華利

徐淑敏的媽咪三代同堂慶祝母親節,開心又有福氣。 Suki日前帶着兩歲多的長女黃心瑤( Vianna)到餐廳為徐媽媽製造驚喜, Suki母女夾手夾腳炮製愛心班戟獻外婆,得徐媽媽眉開眼笑。
Suki捉着 Vianna小手在班戟上擠忌廉,然後再鋪上新鮮水果,為整蠱囡囡, Suki竟把忌廉塗在她臉上,逗得 Vianna笑不停。兩母女分工合作在班戟面繪了心心圖案,再撒上糖果碎。饞嘴的 Vianna不時偷吃藍莓, Suki則教囡囡孝敬外婆,餵她吃士多啤梨, Vianna即把士多啤梨放到外婆嘴邊,場面溫馨,她們還大快朵頤吃西餐提早慶祝母親節。

徐淑敏(Suki)和女兒 Vianna來個情深一吻,滿載溫馨。 攝影:陳志嵐
Suki和囡囡 Vianna來個情深一吻,滿載溫馨。 攝影:陳志嵐

徐淑敏(Suki)(右)為黑超 Vianna和外婆拍照留念。
Suki(右)為黑超 Vianna和外婆拍照留念。

徐淑敏(Suki)女兒Vianna非常大方,既餵媽咪 Suki(右)吃水果,也請外婆品嚐士多啤梨。
Vianna非常大方,既餵媽咪 Suki(右)吃水果,也請外婆品嚐士多啤梨。

徐淑敏(Suki)和囡囡 Vianna分工合作製作班戟甜品孝敬媽咪,賣相精緻。
Suki和囡囡 Vianna分工合作製作班戟甜品孝敬媽咪,賣相精緻。

徐媽媽老懷安慰

自 Vianna出世,她一直是家中小甜心,小小年紀的她並不害羞,面對鏡頭甚有咪神母親風範,尤其戴上心形墨鏡,變身黑超 B,左右手食指往臉上一指, chok爆鏡頭前。徐媽媽看到 Suki嫁得好,孫女也精乖,甚感安慰,徐媽媽說:「我好開心個女家咁幸福,孫女又得意。」

Suki都算早婚,而且也早生下一代,她希望將來兩個囡囡也像她一樣快快結婚兼生 B,讓她盡快享四代同堂之樂, Suki笑言:「始終早啲生小朋友,就可以減少代溝。不過囡囡將來快還快,點都要廿歲後先准結婚。」

婚後 Suki為老公黃浩生下兩名可愛囡囡,一家四口樂融融。 資料圖片
婚後 Suki為老公黃浩生下兩名可愛囡囡,一家四口樂融融。 資料圖片

諗定計仔揀女婿

Suki表示還會為女兒嚴選夫婿,不許她嫁錯郎,看來她這位未來岳母把關必挑剔, Suki搞笑說:「梗係啦,我要囡囡必定帶嚟畀我見,萬一發現佢唔好,點止棒打鴛鴦,男方對我囡囡唔好,曱甴都不如。」

髮型: Green of Chin.G
化妝: Vinci Tsang
場地: La Bon Restaurant& Lounge

陳琪 B女冧功勁

陳琪09年為老公胡諾言生下寶貝女胡芷苓( Jay)
Jay直言最錫爹哋胡諾言,媽咪陳琪只能排第二位。

陳琪09年為老公胡諾言生下寶貝女胡芷苓( Jay),囡囡已兩歲多,精靈活潑,陳琪說:「自己做咗媽咪,先真正體驗到母愛嘅偉大,會更花心思同媽咪慶祝母親節。我諗住一家去主題公園玩,夜晚食自助餐,媽咪見到個孫開心,佢就最開心,我會同囡囡花心思摺紙花送畀媽咪。」

陳琪09年為老公胡諾言生下寶貝女胡芷苓( Jay)
兩歲多的 Jay性格開朗,是陳琪的開心果。

陳琪09年為老公胡諾言生下寶貝女胡芷苓( Jay)
Jay的笑容跟童年的陳琪(上圖)長得餅印一樣。 微博圖片

呷醋扮嬲追多個

陳琪表示囡囡 Jay年紀細,不期望她送大禮:「囡囡太細,要實踐會為難到老公,我只願 Jay快樂成長。」 Jay自出娘胎便由陳琪貼心照顧,女兒理應跟媽咪最親近,但偏偏囡囡卻最錫爹哋胡仔,童言無忌的 Jay既親口承認最愛爸爸,又大讚爸爸靚仔,同時也說:「媽咪最醜樣。」

陳琪被囡囡的坦白弄得啼笑皆非,她扮嬲說:「我呷醋㗎,冇辦法喇,或者真係囡囡係爸爸前世情人,好彩我做大婆,囡囡都係二奶。等我遲啲再追第二胎,生個錫晒媽咪嘅。」陳琪有意為 Jay添弟妹,但會順其自然。

拍照當天,胡仔和陳琪帶 Jay到尖沙嘴買新衫,提早慶祝母親節, Jay即場用英文狂冧陳琪:「 Mommy, I love you。」並送甜到漏的熱吻,還大唱大跳韓國女子組合 Wonder Girls的首本名曲《 Nobody》, Jay一句甜言蜜語,已令陳琪冧到暈。

撰文:比華利 攝影:陳俊強
髮型: HH of Kel Fung
化妝: Phoebe Yung
場地: La Compagnie des Petits

汪琳怕變怪獸家長

汪琳女兒Kesha
Kesha擁有大眼睛,似足媽咪,但汪琳嫌娛樂圈辛苦,不想女兒選港姐。

汪琳去年11月誕下寶貝女 Kesha,第一眼見到 BB,她自言難掩喜悅心情:「 BB出世時,我跟埋佢一齊喊,既感動又激動,我同老公幫囡囡改名 Kesha,意思係上天賜予嘅禮物。」眨下眼 Kesha已經6個月大,拍攝期間汪琳盡顯母愛,不停扮娃娃聲跟囡囡說:「 I love you.」

汪琳女兒Kesha
汪琳每天都會為女兒唱歌,而 Kesha對任何事件都顯得非常好奇。

禁囡囡入娛樂圈

由於第一次做媽媽,汪琳對 Kesha事事緊張,自嘲有機會變成為怪獸家長:「我都擔心係,其實我唔鍾意人話仔女係天生天養,咁辛苦生佢出嚟,梗係會好錫。」

汪琳每日均花盡心思教囡囡學習新事物,即使 Kesha只懂呀呀,未懂講說話,但在汪琳眼中已是美妙歌聲:「今朝聽到譚詠麟唱《幻影》,我跟住唱畀 Kesha聽,佢眼定定望住我,又跟住唱,真係估佢唔到。」汪琳表示囡囡的學習能力好高,擔心自己未能應付,她說:「希望畀佢接觸多啲新鮮事物,遲啲會帶佢返 playgroup。」

汪琳表示 Kesha特別喜歡英文字母,每次見到都會撲過去:「 BB最重要開心,唔知佢將來鍾意做乜嘢,但最唔想佢選港姐或加入娛樂圈,因為好辛苦,讀多啲書先啦。」

撰文:林妃
場地: Kids Castle(尖沙嘴)


本文鏈接:母親節專題 徐淑敏、陳琪、汪琳