湯盈盈停牌坐司機位 律師指觸犯法例

湯盈盈停牌坐司機位 律師指觸犯法例
[22:32] 2011/12/13

無綫藝員湯盈盈被指於09年醉駕停牌期間,偷雞為無綫劇集《天與地》拍泊車戲!盈盈與《天》劇監製戚其義(阿戚)解釋事件,阿戚指當日盈盈揸車鏡頭是用拖架拍攝,以及用人手將冇啟動引擎的車推郁,畫面未見人推車是用後期技術「執走」。而盈盈則表示不擔心被追究:「停牌後我冇揸車,私下都冇!(警方有冇聯絡你?)都冇!」阿戚雖解釋人手推車,但常理一部沒有啟動引擎的車並不容易用人手將之推前推後甚至泊位,更有指盈盈於停牌期間坐上司機位已觸犯法例,律師梁永鏗說:「停牌者一旦坐上司機位,不論喺公眾或私人地方,即使冇開動引擎都已觸犯法例,初犯者最高刑罰監禁3個月及罰款5千元!」

湯盈盈在監製戚其義(左一)及曾醒明的陪同下開記招。
湯盈盈在監製戚其義(左一)及曾醒明的陪同下開記招。


本文鏈接:湯盈盈停牌坐司機位 律師指觸犯法例