潮山聰連坐姿都潮過人。
Givenchy星星 tee$1,500

人靠衣裝，初出道被改花名做「山窿」的陳山聰，最近升呢為「潮山聰」，單是一個潮字即聲價百倍，曝光率大增，連富貴林峯都要陳山聰代襯潮衣。然而，打造這個潮字，絕不簡單，山聰除了狂刨日本雜誌外，他每季也爽手斥10萬元置新裝，看來要潮得起的第一步，相信都是要荷包豪得起。　撰文：比華利

陳山聰在娛樂圈打滾16年，從前似乎毫不起眼，但自從網絡爆出了犀利哥，大家直指山聰在無綫劇集《絕代商驕》扮演的童一本是翻版犀利哥，證明原來觀眾一直默默留意着他。山聰最近參演處境劇《女王辦公室》，扮演辦公室助理雷宇的他，不時以私伙潮衣出鏡，火速被網友熱捧為潮山聰。

陳山聰的憂鬱眼神十分煞食，難怪被稱為翻版犀利哥。
Neighborhood X Izzue格仔恤衫$799
日本 Visvim窄腳褲$2,500
日本 Visvim鞋$3,000

要潮得起，除了買得起之外，還要有標準身形，才穿得緊窄潮衣。
白色無袖恤衫$4,950
黑背心$5,490
牛仔褲$3,990
皮鞋$5,750
All from Kris Van Assche

平貴衫互襯

林峯早前沒時間置裝，陳山聰出手相助，效果有目共睹。資料圖片

顧名思義，潮山聰不得不由他的潮裝說起，訪問當日，他親自配搭了戰衣，簡單 mix& match就成為潮人指標，有人潮得招積，但山聰就潮得謙虛，他說：「網友誇獎我啫，佢哋話我潮，其實係我模仿佢哋，我着緊嘅都係家年輕人最鍾意嘅服飾，佢哋先最潮。」
山聰在《女》劇中最令網友印象深刻，是潮孭山下智久在日劇《零秒出手》都有孭的日本 Visvim紫色背囊和同牌子鞋，他說：「呢兩樣係我呢個角色嘅潮物，雖然要我自己貼錢買，但一啲都唔肉赤，因為我已達成做好件事嘅目標。」山聰認為周身名牌也不代表潮，重點在於要挑適合自己的衣物，他說：「我都唔係件件名牌，我只係 mix& match，平日得閒又鍾意刨吓時裝雜誌，有時甚至去 H&M同 UNIQLO掃減價貨㖭。」
山聰直認是購物狂，他說：「開季我就會買大量新衫，冬天多褸會貴啲，大約10萬，但夏天啲衫薄啲，大約一半錢，夏天一嚟，我會瘋狂買 T恤，呢季嘅秘密武器我多咗 leggings同短褲㖭。」

捱餓買靚衫

勞力士 Submariner$40,000

今夏山聰最重鎚出擊的牌子是 Givenchy的潮 tee，他表示家中衣櫃添了該牌子4,000多元的白色星星窩釘 tee，可是仍未有機會出籠。山聰每日對打扮都會一絲不苟，由上到下必襯到絕，他不諱言是鞋癡，家中擁有過百雙皮鞋和波鞋。
山聰估計貪靚是受母親胎教影響，他說：「我媽咪係裁縫，佢陀住我都會做衫，我細細個媽咪將我扮到好靚，懂性就好講究打扮。」山聰自爆中學曾為潮裝省吃儉用，他說：「當年我零用錢唔多，但我寧願捱餓唔食晏，慳埋幾百蚊去買 Big John牛仔褲，嗰時好興呢個牌子。」他雖嗜買靚衫，但會量力而為。

欣賞犀利裙

到底潮山聰眼中最潮的藝人會是誰，他想也不用想便說：「我覺得係張曼玉，因為佢着乜嘢衫都咁型咁有 style。」對於被指有犀利哥影子，山聰也識英雄重英雄：「佢驟眼睇真係好有 Yohji Yamamoto（山本耀司） feel，我都懷疑幕後有人教佢，點解佢着裙可以着得咁寸，不過佢剪咗頭髮就真係冇咗嗰種味道。話我哋似，其實又唔係壞事。」

敷蛋白保靚肌

現年33歲的陳山聰保養得宜，直認貪靚是最大原動力，平日護膚運動雙管齊下，滑溜肌膚的背後，山聰卻不捨得像陳志雲一樣豪花萬元做 facial美容，他說：「我每日只用清水洗面，但會敷蛋白上面幾分鐘，再用清水洗乾淨，咁會令面部皮膚保持彈性。」
除日日敷面，山聰還密密跑步，他說：「自從之前認識咗一班跑步之友，喺佢哋鼓勵下，我今年都參加咗10公里長跑，呢項運動真係幫到我全面瘦身，自此就 keep住一星期最少跑步4日。」

攝影：仇志德
髮型： Van Chan（ Hair）
化妝：維納
場地： Harvey Nichols Fourth Floor Restaurant