無綫加人工誘拍《金枝 2》 蔡少芬急叫TB阿媽湊女

忽然1周 第847期

娛一叮

無綫加人工誘拍《金枝 2》 蔡少芬急叫 TB阿媽湊女

2011年10月21日

一向搵錢至上的蔡少芬,自今年 5月誕下女兒張楚兒後,就全職湊女,她說:「我想囡囡再大一啲先拍劇。」於是撲奶粉錢任務就交由老公張晉孭起。

不過正值花旦荒,無綫不惜加一倍人工,利誘蔡少芬拍攝《金枝慾孽 2》。蔡少芬下年初正式出山,為求有個信得過嘅人在她拍劇時湊女,蔡少芬惟有急叫 TB阿媽幫手。

上周三( 12日)記者發現蔡少芬和老公張晉,帶埋半歲大的囡囡,在尖沙嘴海運中心掃童裝、玩具和嬰兒用品。

蔡少芬和張晉帶埋半歲大的女兒張楚兒到玩具反斗城血拼。直至俾錢時,囡囡才瞓醒扭抱,愛女心切的蔡少芬立即大笑囡囡開心。
蔡少芬和張晉帶埋半歲大的女兒張楚兒到玩具反斗城血拼。直至俾錢時,囡囡才瞓醒扭抱,愛女心切的蔡少芬立即大笑囡囡開心。

之後張晉索性抱住囡囡入童裝店,而蔡少芬就跟到貼傍實。
之後張晉索性抱住囡囡入童裝店,而蔡少芬就跟到貼傍實。

本刊 08年曾拍得蔡少芬母親黃素梅(右)以 TB男性打扮拖同性密友行街,令蔡嬲爆。不過近年蔡態度軟化,除導母親信主外,更希望她幫手湊女。
本刊 08年曾拍得蔡少芬母親黃素梅(右)以 TB男性打扮拖同性密友行街,令蔡嬲爆。不過近年蔡態度軟化,除導母親信主外,更希望她幫手湊女。

留客房俾阿媽

現場所見,蔡少芬照顧囡囡時十分細心,即使同行還有一名貼身保母負責餵奶,但蔡依然親力親為,更即場買了一條孭帶,抱起 15磅的巨 B。蔡少芬要事事跟到足,全因她這名保母將於月內離職,加上張晉要往橫店拍劇三個月,往後蔡少芬就要一人肩負湊 B的重責。「其實個保母本身係陪月, Ada(蔡之洋名)驚自己睇唔掂先叫保母幫手,所以依家佢惟有睇下身邊啲親戚,有邊個肯捱義氣幫手湊。」知情人士說。

據知蔡少芬就這個問題,曾跟老公張晉討論良久,最後決定將這個重任交俾甚少聯絡的蔡母黃素梅身上。蔡少芬和母親早前一直決裂,至 04年才正式破冰,蔡去年更成功導埋阿媽做基督徒。而今年蔡少芬誕下囡囡後,蔡母曾自動請纓話幫手湊孫,不過就當場被張晉否決。「 Ada佢哋兩公婆,梗係知道老人家出於好意,不過始終大家怕相見好同住難。」知情人士說。不過為了填補這個沒有保母的真空期,蔡不得不向母親招手,更在位於元朗錦繡花園的寓所留定一間房,讓蔡母暫住。

人工加一倍,蔡少芬月初為《金 2》試造型兼拍宣傳片,飾演鄧萃雯的婢女。
人工加一倍,蔡少芬月初為《金 2》試造型兼拍宣傳片,飾演鄧萃雯的婢女。

老婆復工,張晉亦急銀。在本刊拍他們家庭樂的翌日,即上周四( 13日)他便已飛抵橫店拍戲。

加至 8萬蚊一集

其實今次蔡少芬首肯母親入住自己寓所,完全和即將於下年 1月要全身投入拍攝無綫新劇《金枝慾孽 2》有關。無綫為了加強下年重頭劇《金 2》的陣容,加蔡少芬一倍人工,由原本四萬蚊一集加到八萬蚊一集。「 Ada其實仲爭 TVB兩部劇,本來佢唔想咁快還片債,不過監製戚其義係咁落嘴頭, Ada唔拍都唔得。」有監製游說,加上無綫銀彈攻勢,所以蔡少芬上周終於為《金 2》劇試造型,明知劇集要在北京開拍,但她就一改昔日凡事以女為先的口風,她說:「只要開工時間唔係太長,我都會帶埋個女去,我老公話冇所謂,只要安全就得。」

看來 40集的《金 2》劇,除令蔡少芬進帳 320萬外,還令她和母親的關係突飛猛進。

為了抱楚兒行街,蔡少芬等保母餵完奶後,即場孭上新孭帶。其間記者還發現蔡少芬的上圍依然豐滿,估計她現時還有餵人奶。
孭帶即買即用
為了抱楚兒行街,蔡少芬等保母餵完奶後,即場孭上新孭帶。其間記者還發現蔡少芬的上圍依然豐滿,估計她現時還有餵人奶。

換上有型孭帶,蔡少芬即時潮媽上身,單手傍住囡囡行街,惹來不少途人注視。
換上有型孭帶,蔡少芬即時潮媽上身,單手傍住囡囡行街,惹來不少途人注視。

老公上橫店 3個月,蔡少芬連喼都幫佢揀埋,於 Samsonite試足半個鐘,每條拉鏈都驗勻,做咗阿媽果然唔同。
老公上橫店 3個月,蔡少芬連喼都幫佢揀埋,於 Samsonite試足半個鐘,每條拉鏈都驗勻,做咗阿媽果然唔同。

狂掃 BB用品

蔡少芬即將拍劇,加上老公張晉又要上橫店拍劇 3個月,二人趁有空檔,即四出掃貨,除了替囡囡置裝,還買了不少 BB用品,當中有防跌欄與毛氈等。

星級孭帶$449
當日蔡少芬即買即用的孭帶,是近年潮媽必備恩物。連國際巨星安祖蓮娜祖莉都用。

防跌欄$479.9
為防囡囡碌落牀,蔡少芬買了防跌欄。

防撞膠邊$199.9
防撞膠邊則用來包住全屋傢俬角位,以免囡囡受傷。

波點棉褸$399
蔡少芬將囡囡變身潮 B,冬天衫中有不少裙仔,亦有今年大熱的波點款。

毛毛 Boots$210

玩具車$228.9


本文鏈接:無綫加人工誘拍《金枝 2》 蔡少芬急叫TB阿媽湊女