無綫燒屋辣慶周氏夫婦

Twins金屋作客邦邦零架子

香港Ball場風雲人物周啟邦(邦邦),與太太周譚月清(Brenda)在Ball場上的絕配百變造型,可謂「前無古人,後無來者」。另一經典是其豪宅「金屋」全是金色裝潢,以黃金作家具,曾借出給Twins拍MV,Twins更大讚邦邦友善。

縱橫Ball場四十年的周啟邦伉儷,每次出席party必定是最搶鏡、最矚目的一對,他們為配合party主題,均打扮得天衣無縫,其獨特的衣着打扮,全部度身訂造,或經他們悉心修改,過百套的情侶裝令人讚嘆不絕,其中Anna & The King、唐明皇與楊貴妃,以至蜘蛛俠等都留下深刻印象。周太Brenda鍾意粉紅色,雖然邦邦一直表示他與粉紅色不相襯,但為配合太太,多次以粉紅情侶裝扮示人,當中其粉紅色的勞斯萊斯更令人難忘,曾吸引不少媒體慕名採訪。

Brenda客串演出Twins MV。
Brenda客串演出Twins MV。


放大圖片

周氏伉儷在大宅前與最喜歡的金色及粉紅色座駕合照。
周氏伉儷在大宅前與最喜歡的金色及粉紅色座駕合照。

大宅金閃閃

除服飾上令人留下深刻印象外,其三層複式獨立豪宅「金屋」亦是全城的佳話,因在90年代已以黃金作家具,加上全屋以金色裝潢為主調。周啟邦每次外遊若看見金色的家具都會空運返港,單是客廳的天花便以逾千塊專程由威尼斯運來的雕花金塊鋪成,睡床、水龍頭、浴缸、廁所、扶手等均金碧輝煌。91年,瑞士電視台也專程到「金屋」採訪。Twins在96年推出的歌曲《夢想黃金屋》,邦邦便借出「金屋」給她們拍MV,夫妻倆還客串演出。

周家大宅全屋以金色裝潢為主調。
周家大宅全屋以金色裝潢為主調。

Brenda低V打扮,與邦邦同愛金色。
Brenda低V打扮,與邦邦同愛金色。

出席《變種特攻:兩極爭霸》。
出席《變種特攻:兩極爭霸》。

望周太保重

Twins昨日得悉周啟邦離世後,均表示感到傷心,還憶起當年拍MV情況,她們說:「當日借周家大宅拍MV,周氏伉儷二話不說一口應承,令我哋好感動,佢兩夫婦係好出名嘅名人,但完全冇架子,乜都肯借,連私人粉紅色勞斯萊斯都借畀我哋拍攝,周氏伉儷仲答應出鏡,非常冇架子,真係好好人,希望周先生早日安息,周太好好保重身體。」

周啟邦的貓王造型。
周啟邦的貓王造型。

蜘蛛俠造型。
蜘蛛俠造型。

周啟邦夫婦借出大宅給Twins拍攝MV。
周啟邦夫婦借出大宅給Twins拍攝MV。

風趣風度Ball場典範

周啟邦病逝,好友均大表惋惜,大家都對他的風趣幽默難以忘懷,又讚他是Ball場典範。

蘇蔡潔蓮(信和集團商場推廣總經理):「前日(七日)仲同Brenda傾過電話,好突然,我同邦哥喺ball場認識,係最真心嘅朋友,佢對我非常好,好錫我,我哋曾經試過兩次出埠旅行。試過一次去ball扮嘢,我扮王后,佢扮王帝,依家佢仲叫我做王后。」

謝賢
謝賢

夏韶聲
夏韶聲

丁子高
丁子高

謝賢:「我同佢識咗好多年,但唔算太熟,收到呢個消息都覺得好可惜。佢為人好和藹可親,好好人。我都好耐冇見佢,通常都係報章上見到佢,希望佢家人節哀順變。」

江欣燕
江欣燕

郭秀雲
郭秀雲

區詠梅(公關公司老闆)
區詠梅(公關公司老闆)

夏韶聲:「我哋識咗廿幾年,佢太太好鍾意唱歌,所以我哋更加friend,幾年前佢哋去羅省時仲探過我,最後一次見佢哋係07年演唱會,佢哋嚟捧場仲送花畀我,呢兩、三年就少聯絡。大家一場朋友,估唔到佢咁快走。」

丁子高:「我同Uncle和Auntie(周啟邦伉儷)都熟,婚宴(周國豐)嗰日我放低賀禮就走,都見到Uncle,知道消息真係好突然。」

江欣燕:「我爸爸以前同周Uncle係朋友,所以我六、七歲就已經識佢,去過佢屋企開派對,有次仲係小朋友嘅時裝表演,仲記得佢屋企個廁所係金色嘅。不過我哋都好耐冇見,Uncle好funny,我好唔捨得呢個Uncle,好懷念佢。」

郭秀雲:「每年我都會喺君悅搞萬聖節派對,周啟邦年年都會扮嘢出席,只係上年我太忙冇搞到。我覺得做人最緊要開心,唔好令人唔開心,佢就做到自己開心,身邊人都開心。」

區詠梅(公關公司老闆):「上年去邦哥個仔的婚宴時,佢拖住我隻手,好親切咁叫我一聲『妹妹』,見到佢都知佢好攰,話之後約出嚟食飯,估唔到佢病情咁嚴重。」

蘇蔡潔蓮(信和集團商場推廣總經理)
蘇蔡潔蓮(信和集團商場推廣總經理)

無綫燒屋辣慶周氏夫婦

周啟邦雖不是藝人,跟無綫卻有點瓜葛,關係也不算好。當中鬧得最僵的一次,當數二○○○年「火燒石屋事件」,話說當時無綫正趕工拍《創世紀II》,於西貢拍攝一場火燒戲時,不慎把一間石屋燒毀,該石屋正是周啟邦夫人的物業,周氏夫婦看電視才知道物業被燒,即透過律師向無綫追討賠償及要求合理解釋,搞到無綫要即時為石屋修葺補鑊。

陳妙瑛與林家棟為慈善扮周啟邦伉儷。
陳妙瑛與林家棟為慈善扮周啟邦伉儷。

其實事件之前,周氏夫婦與無綫已心有芥蒂,事緣周氏夫婦形象突出,多次成為無綫節目的模仿對象,二人更曾拒絕無綫節目訪問以表抗議。

無綫表惋惜

無綫外事部副總監曾醒明對於周啟邦離世表示惋惜:「佢係社會、慈善名人,而且經常出席無綫節目,無綫對對方離世感惋惜。」提到當年火燒石屋事件,他說:「嗰次純粹溝通上問題,後來已平和處理。」不過由於周啟邦屬社交名人,故無綫不會有悼念節目。

艾粒在《歡樂粒宵》舞台劇中扮周啟邦夫婦。
艾粒在《歡樂粒宵》舞台劇中扮周啟邦夫婦。