爆《金枝2》被飛內幕 張可頤衰電話告狀

忽然1周 第846期
忽然1周 第846期

娛一叮

爆《金枝 2》被飛內幕 張可頤衰電話告狀

2011年10月14日

近日電視圈掀起挖角潮,無綫出現小生、花旦荒。「亞洲視帝」林保怡年中約滿 TVB後拒續約、鎮台花旦佘詩曼亦選擇離巢北上賺人仔,加上王維基為旗下的電視牌照戮力造勢,無綫亦不敢怠慢,拿拿臨開拍經典劇《金枝慾孽 2》力挽聲勢。

周一( 10日)《金枝 2》拍巡禮短片,林保怡同阿佘已知唔玩,但上集飾演「安茜」一角的張可頤竟然都無影,反而未落實會接拍的蔡少芬卻高調現身。據知張可頤曾於 10月 4日為《金枝 2》試造型,本刊直擊她等化妝等到發爛渣,走出化妝間即打電話向高層告狀:「點解冇人幫我化妝!」未開拍已經咁惡搞,難怪她最終被飛出局。

由黎耀祥及張可頤擔正的台慶劇《法證先鋒 III》於周一( 10日)啟播,收視最高 35點,黎耀祥亦坦言爭視帝的信心由半成增加到八成。不過女主角張可頤似乎無咁好命,除了被網友狂彈狀態唔好,個樣又老又殘外,就連經典劇《金枝慾孽》開續集亦被飛。

本周日張可頤到 ICC出席《法證Ⅲ》宣傳活動。即使未上台,只在停車場,她依然擺出一副 Madam款。
9/10  Madam上身
本周日張可頤到 ICC出席《法證Ⅲ》宣傳活動。即使未上台,只在停車場,她依然擺出一副 Madam款。

戴黑超酷爆的張可頤得知化妝間冇人得閒幫她化妝時,即行出 15廠外致電告狀,其間更大大聲話:「你唔得閒一件事,但好聲氣啲都得啩。」
4/10 黑面發牢騷
戴黑超酷爆的張可頤得知化妝間冇人得閒幫她化妝時,即行出 15廠外致電告狀,其間更大大聲話:「你唔得閒一件事,但好聲氣啲都得啩。」

告狀期間發現記者,張可頤即收線行開,企埋一邊改 send短訊告狀。
告狀期間發現記者,張可頤即收線行開,企埋一邊改 send短訊告狀。

向高層投訴

04年有份演出《金枝》的張可頤(右一),曾因扮阿姐教人做戲而引起各演員不滿。《壹週刊》圖片
04年有份演出《金枝》的張可頤(右一),曾因扮阿姐教人做戲而引起各演員不滿。《壹週刊》圖片

周一( 10日)晚,陳豪、鄧萃雯和蔡少芬高調現身無綫將軍澳電視城化妝間,接受完訪問再入廠為《金枝 2》拍巡禮短片。本刊得悉,其實張可頤早前已為此劇試造型,可惜因她扮一姐告狀而激嬲高層。

試造型是在上周二( 4日),當天張可頤在無綫 15廠化妝間現身。記者見她在內坐了 15分鐘,與化妝阿姐傾唔夠兩句,就氣沖沖走出化妝間外面的空地打電話。記者聽到她在電話中非常勞氣說:「一個同緊陳敏之化妝,一個搞緊祥仔(黎耀祥),一個就鍾嘉欣,點解冇人幫我化?我唔係想投訴,我呻吓啫!其實我過 4廠都 OK㗎!」講電話期間,張可頤發現記者,即急步行開,但改用短訊繼續發牢騷,看來對方應該是無綫高層。

據知,張可頤當日一入化妝間,即老實不客氣叫化妝師幫佢即刻化妝,但幾位化妝師都有工作在身,未能即時服侍佢。知情者透露:「張可頤一入嚟就話要幾點入廠,當時化妝間內嘅演員全部都要入廠㗎啦!佢試《金枝慾孽 2》造型之嘛,其他人係正式有嘢拍㗎!化妝師話未有人住,佢就走去向高層投訴嘞!真係當正自己係一姐。」

戚其義怕咗張可頤

無綫正鬧花旦荒,監製戚其義明知 04年拍《金枝》時張可頤與其他演員已鬧不和,今次為了加強《金枝 2》的卡士都要局住用她,但張可頤未拍已投訴多多,戚其義最終亦改變主意。「無綫依家剩番幾多一線演員大家心中有數,阿戚一直想用原班人馬,但黎姿同阿佘都唔拍,惟有留住雯女(鄧萃雯)同 Maggie(張可頤)啦!以前 Maggie成日扮阿姐得罪同劇演員,阿戚都知佢難相處,不過事隔咁多年諗住佢會改變,咪即管搵佢埋班。點知試造型已經搞單咁嘅嘢,仲投訴到去高層嗰度,阿戚都怕咗佢,寧願搵第二個頂上。」據知鄧萃雯已落實演出,而戚其義正努力游說蔡少芬,至於張可頤的戲份已被抽起。記者曾致電戚其義,惟截稿前都未獲回覆。

繼續阿姐上身

06年拍畢電影《長恨歌》,張可頤因患上甲狀腺炎而宣布全面退出, 08年她重返娘家,先接簡單的主持工作,如《更上一層樓》、《大凶兆》和《香港先生選舉》等, 09年才開始接拍劇集,去年更成功執佘詩曼二攤,在《法證 III》飾演第一女主角 Dr. Chung。

曾在 03年以《九五至尊》獲「本年度我最喜愛的電視女主角」和「我最喜愛的電視角色」的張可頤,今次在《法證 III》飾演 Dr. Chung卻被網友狂插,不但彈她又老又殘,更說她不夠專業。網友又指為何劇中演員開會竟然一人有一部平板電腦時,張可頤即阿姐上身,在微博反擊說:「用平板工作為甚麼竟然會產生這麼大反應呢?莫名其妙的,這工具跟手提電腦有甚麼分別?這是現今全世界最普遍的事,難道大家仍停留在石器時代?」

她在新劇的演出被網友踩完又踩,看來很難再攞視后。知情者透露:「雖然《法證 III》係台慶劇,不過張可頤攞視后機會好微囉!因為內部開咁多次會都冇高層提過佢個名。佢得罪人多,又難服侍,好多監製都怕咗佢啦!」復出只有三年的張可頤,返娘家拍劇其實收入有限,但近年她在樓宇買賣方面都有斬獲,身家估計過億,加上有個做基金買賣的男友,難怪張可頤一副唔憂米嘅態度。

06年曾患甲狀腺炎的張可頤,病癒後依然不時面腫。周一( 10日)她出席新城宣傳活動時,面和下巴亦明顯水腫。
面腫腫宣傳
06年曾患甲狀腺炎的張可頤,病癒後依然不時面腫。周一( 10日)她出席新城宣傳活動時,面和下巴亦明顯水腫。


網友彈

做完宣傳咁啱午飯時間,一眾演員拉大隊到附近酒樓醫肚,途中只有張可頤四圍,相當冇安全感。
做完宣傳咁啱午飯時間,一眾演員拉大隊到附近酒樓醫肚,途中只有張可頤四圍,相當冇安全感。

旁邊坐住徐子珊和胡定欣,張可頤皇后般坐正中間,唔知有冇萬歲呢?
旁邊坐住徐子珊和胡定欣,張可頤皇后般坐正中間,唔知有冇萬歲呢?

冇份拍巡禮片

周一( 10日)蔡少芬在化妝間同工作人員有講有笑,難怪一埋位即有兩名化妝師招呼。
周一( 10日)蔡少芬在化妝間同工作人員有講有笑,難怪一埋位即有兩名化妝師招呼。

化好妝的蔡少芬笑臉迎人,陳豪亦好有默契咁配合。
化好妝的蔡少芬笑臉迎人,陳豪亦好有默契咁配合。

雖然未定角色戲份,不過鄧萃雯已答應監製戚其義,會在《金枝 2》擔演一角。
雖然未定角色戲份,不過鄧萃雯已答應監製戚其義,會在《金枝 2》擔演一角。


本文鏈接:爆《金枝2》被飛內幕 張可頤衰電話告狀